လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪမွဲဝ့ၫဒၪ ပကဘၪကိၭဖံၭၥိၭ ၥၭမုဆံၫ့ဎံၪလိၪဝ့ၫဒၪအဂဲး အကၠီၩ့နီၪလီၫႉ ပကိၭဖံၭၥိၭ ၥၭမုဆံၫ့ဎံၪနီၪ ပၥၭခံဖၧၩ့ ဆၧဘၩဆိၪဖၪ ကဘၪအီၪအၡါမၪနီၪလီၫႉ ပဘၪဒၪဆၧၫ့ယၫလၧ ဆၧကၪဆၧဂဲၩ့အခံၫ့နီၪ ကိၭဖံၭၥိၭၥၭမုဆံၫ့ဎံၪႇ ၥၭမုဆံၫ့ဎံၪ ဂဲၫထဲၩ့လၩ့ဆၨၩ ပကဘၪ ဘၩဆိၪဖၪဘဲၫယီၩၥိၭနိၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ပအၪ့က့ၩဘၩဆိၪဖၪလၧ ၥၭမုဆံၫ့ဎံၪအီၪစွါဘဲၫ ပကဘၪ ထုၪ့လၩ့ၥၭ ဆၧကမံၩ့နီၪ ပကဘၪၥိၩ့ထၪ့ ဆၧချဲၩ့အဖျိၪ့နီၪ မွဲဝ့ၫဒၪ ဂဲၫထဲၩ့လၩ့ဆၨၩ နီၪလီၫႉ လါနၫ့ ပဘၩဆိၪဖၪဆၧအခံၫ့ ဆၧချဲၩ့အဖျိၪ့နီၪ ကဘၪမွဲ ပဆၧချဲၩ့နီၪလီၫႉ ပကလီၩ အဒီၩ့စွါဘဲၫႇ ယဘၪဒၪလၧ ဆၧကၪဆၧဂဲၩအကၠီၩ့နီၪ ၥၭမုဆံၫ့ဎံၪဂဲၫလၩ့လၧယအီၪႇ ယထီၩ့လၧ ဆၧခံၭဖၧၩ့ ယကဘၪမၩမနီၪလဲၪ ယလၥ့ၪယၫ လၧဘၪအကၠီၩ့နီၪ ၥၭမုဆံၫ့ဎံၪဂဲၫလၩ့လၧယအီၪ ပကဘၪကိၭဖံၭၥိၭ ၥၭမုဆံၫ့ဎံၪ ဘဲၫယီၩၥိၭနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ၥၫထနၫဆၧမၩအဂးမွဲဂ့ၩႇ ပဂံၪ့ဒီၪဖၧၩ့မွဲဂ့ၩႇ ပဘၪမၩဆၧမၩလၧ ၦဂူၫဂၩမွဲဂ့ၩ ပဆၧမၩဖၧၩ့မွဲဂ့ၩႇ ဆၧကၪဆၧဂဲၩအီၪစွါဘဲၫ ၥၭမဲၫဆၧန့မံၩ့လဂ့ၩ နၪ့ထၪ့ ကိၭဖံၭၥိၭ ၥၭမုဆံၫ့ဎံၪနီၪလီၫႉ အနီစွါဘဲၫ နၥံၪအဆၧကၪဆၧဂဲၩ အီၪထီးအလူၬနီၪ နၥံၪလီၩပျၩ့ ကန့ဝ့ၫဒၪအကၠီၩ့ ၥၫ့ဎွၩဖရၫ့စ့ၭ အဆၧၥီၫ့ဆၧၥၫ့အီၪ ဝ့ၫဒၪ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ