မိမိနိၪဘၪအွံၪထၬပၩလၧ အဂူၭဖိၫ့ဖၧၩ့ လၩခွံၫဘံၪ့နီၪလီၫႉ အဝ့ၫအခၪ့ယိလၫ့ အဖံၭၥံၪ ယူၭလၫ့ မၩဂဲၩ့အၥၭကဆံၭဘၪၥၪကၭကဆံၭ လကၭဒံၭဘၪမံၪလန့ဘၪအီၪဒံၭႉဘဲၫၥိၭ ပကထီၩ့လၧ ဂၪ့ခိၪချိၫ့ယီၩအဂး မိမိနီၪဘၪဒၪဆၧၡၪ့ဆၧနါအၪမၬနီၪလီၫႉ ထီးပကဲၪထၪ့ပၡၩအခၪ မိမိနီၪဘၪကဲၪအ့ၪအဖိၪအဂး ၥံၪ့ဎွံၪဆရၪမုၪ ၦအၪ့ဖီၪ့ဆၧအခိၪ ဂံၪ့အဂးၦမၩဆၧဖိၪ ဆၧမၩလိၪဆၧရၪမုၪ လကၭဒံၭဘၪဘၪကဲၪဝ့ၫဒၪအဖိၪအဂး အထံၩအၥိၭနီၪလီၫႉ အဖိၪအဂး ဘၪဂဲၪဖျူၭဝ့ၫဒၪအၪမၬနီၪ မွဲဝ့ၫဒၪမိမိ ဘၪဂၪ့နီၪမွဲဝ့ၫဒၪမိမိ အဖိၪမုၪဖိၪခွၫအဂးဘၪယိလါဆၧနီၪမွဲ မိမိ ဘၪအၪ့ကံၩဘၪဆိၪဖၪဆၧနီၪမွဲဝ့ၫမိမိနီၪလီၫႉ ပဝ့ၫလဖၪယီၩ ပဆၧဘိၪ့ဂ့ၩအကၠီၩ့ ပဒၪဘၪပမိပဖါဂီၩ့ ပအီၪဘၪလၧ ပမိပဖါကၠၧၫ့ကၠၧၫ့နီၪလီၫႉ ကနၩ့နၩ့ ဖိၪၥံၪလဖၪနီၪ လၧ အဝ့ၫအဆံၭဆံၭဒံၭဒၪအိၩ အမိအဖါၥံၫဒၪအကၠီၩ့ ဒၪဘၪအမိအဖါအ့ၬ အီၪဘၪလၧအမိအဖါအ့ၬႉ မွဲဆၧအနီၪကၠီၩ့ ဘဲၫယီၩပမိပဖါအ့ၪအီၪဒ့ၭစွါဘဲၫ မွဲဒၪပန့ထၬဘၪ အခိးအတၩ အဎိၩဒိၪထုၬကမံၩ့နီၪလီၫႉ မွဲဘဲၫနီၪ တွၭဘျိၪဘၪ မိမိအဆၧအဲၪလဂ့ၩ ဘၪနီၪလဲၪစွါဘဲၫ အဝ့ၫလအီၪလၩ့ဘၪကနံၩစွါဘဲၫ နကဘၪယၧၩ့ထၪ့ဘၪအဝ့ၫ နကမီၪဘၪ့အဝ့ၫနီၪလီၫႉ