လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪ မွဲဝ့ၫဒၪ ဆၧၡူၪဆၧမုၬ ကန့အဂး ပကဘၪမၩ ဘဲၫၥ့ၪလဲၪ အဂဲးအကၠီၩ့နီၪလီၫႉ ဆၧၡူၪဆၧမုၬ ကန့အဂး ပကဘၪမၩ ကၪအၪမၬဒ့ၭနီၪလီၫႉ လါနၫ့ႇ ပကဘၪ မၩနၧၩ့မၩစၪၦဂူၫဂၩႇ ပကဘၪ မၩကၪထဲၩ့ၦဂူၫဂၩႇ ပကဘၪ ဒုၭၦဂူၫဂၩနီၪ ပမၩန့ယီၫယီၫနီၪလီၫႉ ဆၧအယီၩ ထီးအလူၬနီၪ အီၪဂဲၫလၧ နၫ့ဆါအခၧၬနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ပကမၩထၪ့ ဆၧလဂ့ၩဘၪနီၪ န့ဘုၪဘုၪယီၫယီၫနီၪလီၫႉ အနီစွါဘဲၫႇ ပကမၩန့ထၪ့ ဆၧၡူၪဆၧမုၬ ဘဲၫၥ့ၪလဲၪႇ ပကမၩထၪ့ ဆၧၡူၪဆၧမုၬအဂး အဖျီၩ့အီၪအ့ၬႇ ဆၧအယီၩနီၪ မွဲဝ့ၫဒၪ ဆၧဂဲၩဆၧဝၭ ကမံၩ့နီၪလီၫႉ ဆၧလၧဆၧၡူၪဆၧမုၬနီၪ ပကဘၪကျ့ၭစၨၭ ပၫဎိၭလၩ့ႇ ပကဘၪ ဖံၭၥိၭလိၬၥၭလၧ ၦဂူၫဂၩဂီၩ့ ပကဘၪမၩထၪ့နီၪလီၫႉ အရ့ၩဎိၩထုၬနီၪ ပကမၩ ဆၧၡူၪဆၧမုၬအဂး အ့ၪဆၧၥၭအီၪနီၪ ပမၩကန့အၡါမၪနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဆၧလဂ့ၩဘၪနီၪပမၩန့ ယီၫယီၫဂီၩ့ ဆၧအဂ့ၩနီၪ ဘၪမနီၪလဲၪ ပမၩလန့ဘၪနီၪ ပကဘၪဆီၫ့မီၪ့လၩ့ၥၭ လိၪဝ့ၫဒၪအကၠီၩ့ ၥၫ့ဎွၩဖရၫ့စ့ၭ အဆၧၥီၫ့ဆၧၥၫ့အီၪ ဝ့ၫဒၪ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ