ထၪ့ၡါဂီၩ့ၦမုၪလဂၩနီၪ အ့ၪလ့ၩအီၪလၧ အဝၩအဂံၪ့စွါဘဲၫ အဝ့ၫအဂး အဝၩအဆၧဖ့ၪဆိၫဒဲ ဆၧအီၪက့ၪဒိၪလဖၪ အကၧၩ့ဒိၪထုၬလိၪဝ့ၫနီၪလီၫႉ ပကဲၪဝၩလဂၩနီၪ ပအီၪလၧပမၪအမ့ၬယၪ ဂုးဂုးခၧၫ့ခၧၫ့စွါဘဲၫ ၦဂူၪဂၩ လီၩချဲၩ့ပမၪလန့ဘၪဒဲ မၩတရီၩတပၩပမၪလန့ဘၪနီၪလီၫႉ ၦဂူၪဂၩအမ့ၬယၪကန့ဘၪဆၧဖ့ၪဆိၫနီၪလီၫႉ လကၭဒံၭဘၪ အဝ့ၫအဂး ဆၧဒူၩဆၧယးကအီၪဝ့ၫအၪမၬနီၪလီၫႉ အ့ၪပလအီၪဘၪလၧ ပမၩကကဲၩခီၫစွါဘဲၫ ၦဂူၪဂၩလီၩချဲၩ့လဖၪနီၪ ပလဒၩ့ထၬဘၪစွါဘဲၫ အဝ့ၫမၩကမံၩ့မံၩ့ ပလဒၪအဂံၩဒဲ ပကဒၪအဝ့ၫအဆၧမၪလီၫစွါဘဲၫ အဝ့ၫအဂး မီၪ့ဎီၩ့ဒၪဘၪအီၪဝ့ၫလၧ ရၬ ဖၧၩ့နီၪလီၫႉ ပကဲၪ ၦခွၫလဂၩနီၪ ပအဲၪအကၠီၩ့ပအၪ့န့ လမွဲဘၪ ပမိဖါ ဒုၭခၫပၩအကၠီၩ့ပအၪ့န့ လါနၧၫ့ဂ့ၩ အ့ၪပအၪ့န့ဂီၩ့ ပထၪ့ၡါဂီၩ့ ဂဲၫနုၭလၧထီၩလၧ ပဂံၪ့ဒီၪ့ဖၧၩ့ယူၭစွါဘဲၫ ပကဘၪဒၩ့ထၬ ပကဘၪယိထဲၩ့ခွါထဲၩ့နီၪ မွဲဝ့ၫၦခွၫလဂၩအမူဒၩနီၪ ပကဘၪၥ့ၪယၫနီၪလီၫႉ