လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪ မွဲဝ့ၫဒၪ ဆၧအၪ့အူၭအၪ့ဎၧၩ့ဆၧ အဂဲးအကၠီၩ့နီၪလီၫႉ ဂၪ့ခိၪဖၧၩ့ ဆၧဘၪထိး တဲၩ့လၩ့ၥၭ ဆၧမၧၫ့ထီးလူၬ ကဘၪအၪ့အူၭကဆါယွၩႇ ကဘၪအၪ့အူၭ ကဆါယွၩ အၥူၭအၥဲၪ့နီၪလီၫႉ လၧဎရံၬဖိၪၥံၪ လံၬဆံၫ့ဎံၪဖၧၩ့နီၪ ဂၪ့ခိၪဖၧၩ့ ဆၧၥံၫဆၧမၧၫ့ ထိၪၥံၪ ဖီၫၥံၪ ထီးအလူၬနီၪ အၪ့အူၭအၪ့ဎၧၩ့ ကဆါယွၩအဂဲး ကွ့ၭထၬဝ့ၫနီၪလီၫႉ လကၭဒ့ၭဘၪႇ မုမ့ၬဒဲ ၡၪၥံၪ လၩၥံၪနီၪ ကဘၪအၪ့အူၭကဆါယွၩႇ မုခိၪထံၫၥံၪ ထီးအလူၬ ကဘၪအၪ့အူၭ ကဆါယွၩနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဆၧအၪ့အူၭအၪ့ဎၧၩ့ဖၧၩ့နီၪ ဆၧမၧၫ့ထီးလူၬ အကၧၩ့ဒိၪ အဆၧၫ့အီၪကမံၩ့နီၪလီၫႉ ဆၧအယီၩနီၪ ဂၪ့ခိၪဖၧၩ့ ဆၧမၧၫ့ထီးအလူၬ ကဘၪ ဘၩဆိၪဖၪဆၧ လၧကဆါဎြံၬ တဲၩ့လၩ့ထၬ ဆၧဖိၪဆၧလံၩၥံၪ ကၠၧၫ့ကၠၧၫ့နီၪလီၫႉ လကၭဒ့ၭဘၪႇ ကဘၪအၪ့အူၭ ကဆါယွၩလၧ အဝ့ၫၥံၪ ကၠၧၫ့ကၠၧၫ့နီၪလီၫႉ ဘၪမနီၪလဲၪစွါဘဲၫႇ န့ၩခၠၧၫအဂ့ၩနီၪ အၪ့အူၭကဆါယွၩလၧ အဝ့ၫၥံၪ အနၫ့ဆါ လၥ့ၪဘၪနီၪလီၫႉ မူၭဖိၭဖၫ့ၥံၪနီၪ ဘိၭဘၪၥ့ၪယၫ ကဆါယွၩအၥူၭအၥဲၪ လၧဆၧမၧၫ့ၥံၪကၠၧၫ့ကၠၧၫ့ႇ လၩနီၪ ဘၩကဆါယွၩလၧ ဆၧမၧၫ့ကၠၧၫ့ကၠၧၫ့နီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ထံၫႇ ဆၧဆၧၩ့ထံၫဒဲ ဆၩ့ထံၫၥံၪနီၪ အၪ့အူၭ ကဆါယွၩအလၩအဖၩ့လၧ ဆၧမၧၫ့ၥံၪကၠၧၫ့ကၠၧၫ့နီၪလီၫႉ အထီဘိၪယီၩ ဆၧမၧၫ့ၥံၪ ဘၪဒၪဆၧၫ့ယၫ ဆၧကၪဆၧဂဲၩကမံၩ့နီၪ ၦဘၩဆိၪဖၪ ဆၧယၧၩ့ဘၪဒဲ ၦအၪ့အူၭကဆါယွၩနီၪ အဝ့ၫၥံၪ လနါဂၧၫ့ဘၪနီၪလီၫႉ ဆၧနီၪအကၠီၩ့ႇ ဂၪ့ခိၪဖိၪၥံၪ ထီးအလူၬယီၩ ဆၧအၪ့အူၭအဂး ထိးဆွံၫထၬ လိၪကမံၩ့နီၪအကၠီၩ့ ၥၫ့ဎွၩဖရၫ့စ့ၭ အဆၧၥီၫ့ဆၧၥၫ့အီၪ ဝ့ၫဒၪ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ