မုကနံၩယီၩ ယအဲၪဒိၭလီၩၥ့ၪယၫအ့ၪဘၪ နၥံၪဆၧအဂဲးနီၪဘိၭအၪ့လဲၩထၪ့ ခွံၬနၥၭ ဒဲ နဆၧအၪ့ဎၬနီၪဆံၭႉ

 ဘဲၫယီၩလၧၥုၪ့ဆီၪ့ၥၭဆီၪ့ဖၧၩ့ ပမိကဲၪဝ့ၫဒၪလဖၪနီၪ ထီးလၧယၫကိၭ မွဲပ ကန့ဘၪဝ့ၫလဖၪလီၫစွါဘဲၫႉ လါနၫ့ဆၧအယီၩနီၪ မွဲပကန့ဘၪလၧဆၧယီၫယီၫ အ ဖၧၩ့အ့ၬႉ အ့ၪမွဲပအၪ့လဲၩထၪ့ပၥၭလန့ဘၪနီၪဘီၩႉ  ပမိမၩလဖၪနီၪ အ့ၪမွဲပအဲၪဒိၭ န့ဘၪတၡါစွါဘဲၫ အဆိၪထုၬပကဘၪအၪ့ လဲၩထၪ့ပၥုၪ့ၥၭဒဲ ပဆၧအၪ့ဎၬ လဖၪနီၪ လီၫႉ အထီဘဲၫယီၩ ပမိမၩလဖၪနီၪ ပန့ဘၪဒံၭအ့ၬနီၪဘၪန့လဲၪစွါဘဲၫ လၧပၥုၪ့ပၥၭ ဖၧၩ့ဒဲ ပဆၧအၪ့ဎၬဖၧၩ့နီၪ ဆၧအကၠူၭလၩ့ထဲၩ့ပၧၩၥံၪ ဆၧအၪ့ဎၬလဂ့ၩဘၪၥံၪ အီၪဝ့ၫဒၪအၪအၪလ့ၬအကၠီၩ့နီၪလီၫႉ ပအၪ့လဲၩထၪ့ပၥၭဒဲ ဆၧအၪ့ဎၬ လၧအဂ့ၩ ကကဲၩ့ခီၫအ့ၪန့မၬ ဆၧအဂ့ၩလဖၪကဂဲၫဆီးပၧၩနီၪလီၫႉ အနီၪစွါဘဲၫ ဆၧအၪ့စၪ့ ကအီၪလၧ ပကဘၪအၪ့လဲၩထၪ့ပၥၭနီၪပၥ့ၪလဲၪႉ

စံၭမၬချၭ ပကအၪ့ဎၬထၪ့ ဆၧမၩအယီၩမွဲယမၩကန့အ့ၬဘ့ၪအလးနီၪ ဆၧမၩအယီၩယမၩန့ယီၫယီၫလီၫႉ မွဲယကလ့ၩထၪ့လ့ၩထီၫအ့ၬဘ့ၪအလးနီၪ  ယလ့ၩထၪ့လ့ၩထီၫန့ယီၫယီၫလီၫ ဘဲၫယီၩအၥိၭ မွဲပကဘၪအၪ့လဲၩအၪ့ဎၬထၪ့ထဲၩ့ နီၪလီၫႉ ဆၧအၪ့လဲၩထၪ့ၥၭဒဲဆၧအၪ့ဎၬယီၩနီၪ ၦၡၩကနၩ့နၩ့အဂး ယီၫဝ့ၫလါနၫ့ ကနၩ့နၩ့အဂးနီၪ ကၪဂဲၩဝ့ၫဒၪလီၫႉ စံၭမၭချၭ ၦၡၩခိၭယၧၩယီၩလၥၨၩႉ ဆၧနီၪအ ကၠီၩ့ ဘဲၫပၥၭဒဲဆၧအၪ့ဎၬလဖၪ ကအၪ့လဲၩထၪ့ထဲၩ့အၥၭလၧအဂ့ၩကကဲၩ့ခီၫ အ ဂးနီၪ ကိၭနံၩဒ့ၭ မွဲပကဘၪထုၪ့လၩ့ပၥၭဂီၩ့ မွဲပကဘၪအၪ့ဎၬယိဝ့ၫဒၪ ဆၧအဂ့ၩ လဖၪကိၭနံၩနီၪလီၫႉ

ဆၧအၪ့ဎၬအဂ့ၩလဖၪယီၩဘဲၫကအီၪထးလၧပၥၭလၬဖၧၩ့ဒဲပဆၧအၪ့ဎၬဖၧၩ့အဂးနီၪ ပကဘၪအၪ့ဎၬယံၩယါထၬ ဆၧအဂ့ၩလဖၪကိၭနံၩဂၫဂီၩနီၪလီၫႉ အနီၪမၬ ပၥၭယီၩ ကအၪ့လဲၩထၪ့အၥၭတၡါဂီၩ့ ပကမိန့ဘၪလဖၪနီၪ ပကန့ထၪ့ဘၪလၧ ဆၧဘူၪဘူၪယီၫယီၫဖၧၩ့အဂဲး မုကနံၩယီၩ ယရၩလၩ့စိၩအ့ၪဘၪနၥံၪလၧ ဆၧအဂဲး ဖိၪယီၩနီၪလီၫႉ

စံၭခိးစံၭတၩ ကိၭဒံၩကိၭဂၩဒ့ၭလီၫႉ လၧခဲၫ့ခီၫမုနးနွံၫဒီၭမၬ ပကဆုးထဲၩ့ ဒၪ ထဲၩ့လိၬၥၭလၧဆၧထံၪလၩ့ဒီၪလၩ့ယီၩအဖၧၩ့လါဆံၭနဲၪႉ

နးအဲၪဖီၫဘွၩ