ဆၧမုၬလၩၥၭဎွံၪနီၪမန့လဲၪ

ဆၧမုၬလၩၥၭဎွံၪနီၪ ဆၧကဲၪဒိၪကဲၪမုဧၪႉ အ့ၪလမွဲဘၪဘိၭ ၦၡၩအဲၪပၧၩအၪမၬလ့ၬအီၪ ကဂၩဂၩနီၪဧၪႉ အ့ၪလမွဲဘၪဘိၭ ပၥၭဆံၭဆံၭဆိၭဆိၭအဖၧၩ့ ပမၩန့ဆၧမၩနၧၩ့ခၫ့ဖျီၪ့နီၪဧၪႉ အ့ၪလမွဲဘၪဘိၭ ကနံၩနံၩပလီၩ့ဎွါထီးန့အၪမၬနီၪဧၪႉ

ဘၪထွ့ၫလၧ ဆၧမုၬလၩၥၭဎွံၪနီၪ မန့လဲၪအဂဲး ယလီၩ့အၪ့ဎၬထၪ့ကကၠၪနီၪ ယဖီဘၪ လၧ ပျော်ချင်ယောင်မဆောင်နဲ့ လံၬထုဖၧၩ့  ထံၪခးကခး အဆၧမုၬလၩၥၭဎွံၪနီၪ World Happiness report ခရၧၫ့ဖိၪၥံၪယီၩ ထိၪတွၭဝ့ၫဒၪလၧ ထံၪခးအနီၪ အကၠီၪ့အဖျီၩ့လီၫ စွါဘဲၫႉ

Happiness is a Basic Human Right  ဆၧမုၬလၩၥၭဎွံၪနီၪ မွဲဝ့ၫလၧ အ ခြေခံလူ့အခွင့်အရေး(ၡၩအထးဂ့ၩထီးဘၪ အခၪ့ထံၭခၪ့ဎၧၩ့)လီၫစွါဘဲၫ. အဝ့ၫၥံၪ ယီၩ ယိဝ့ၫဒၪဆၧအဂဲး၆ထံၪယီၩနီၪလီၫႉ

ထံၪခးကခးဖၧၩ့ အခြေခံလူ့အခွင့်အရေး(ၡၩအထးဂ့ၩထီးဘၪအခၪ့ထံၭခၪ့ ဎၧၩ့)နီၪ ၦၡၩကိၭဂၩဒ့ၭ အ့ၪမွဲန့ဘၪကၠၭဝ့ၫ မီၪ့ဎီၩ့မီၪ့လ့ၬစွါဘဲၫ ထံၪခးဖိၪၥံၪနီၪ ဆၧမုၬလၩၥၭဎွံၪကအီၪထၪ့လီၫႉ  ဘဲၫနီၪအၥိၭ   အ့ၪမွဲခီၫ့ၡၩဂး(စီးပွားရေး)ဂ့ၩနီၪ ထံၪခးဖိၪၥံၪ ဆၧမုၬလၩၥၭဎွံၪအီၪဝ့ၫလီၫႉ ဘဲၫနီၪအၥိၭဆ့ ထံၪခးဖၧၩ့ ဆၧယိထွ့ၫ ဆၧဆီၪ့ဆၧချဲၫ့ကၠီၪ့ဖျီၩ့နီၪ လအီၪက့ၪဖုၫထီၫဘၪ ဆၧၡၪ့ဆၧကဲၪဒိၪဂီၩ့ ဆၧဆၫဂံၪ့ ဆၧဆၫဒူၭၥံၪလဖၪနီၪ အ့ၪမွဲကယိထဲၩ့ခွါထဲၩ့ ဆၧဆၫဆါလဖၪ ထၧၫ့ဎီၩ့စွါဘဲၫ ထံၪခးဖိၪၥံၪ ဆၧကမုၬအၥၭနီၪလီၫႉ

လၧခဲၫ့ကမံၩ့နီၪ လၧဆၧပျီၩဖျ့ၭဖၧၩ့ ဘဲၫပဆၧထိစိၩအီၪအၥိၭ ပမိမၩဝ့ၫဒၪ လဖၪ ပရွံထၪ့မၩ အ့ၪန့ဘူၪဘူၪယီၫယီၫနီၪ ထံၪခးဖိၪၥံၪယီၩ ဆၧမုၬလၩၥၭဎွံၪ အီၪ ကၠၭလီၫႉ ဂီၩ့နီၪ ဆၧမၩဘိၪ့မၩဆၧၩ့လိၬၥၭ ဆၧဒီၩ့ဘၪဎီၩ့လိၬၥၭ အီၪဝ့ၫဒၪ ၡၩခရၧၫ့ ဖၧၩ့ အ့ၪမွဲပအီၪဘၪနီၪဆ့ ဆၧမုၬလၭၥၭဎွံၪကအီၪဝ့ၫဒၪနီၪလီၫႉ

လခဲၫ့ထုၬကမံၩ့နီၪဘိၭ ဆၧဆ့ၭစ့ၩ ဆၧအၪ့စ့ၩ (လာဘ်ပေးလာဘ်ယူမှု) လအီၪဘၪ ထံၪခးဖၧၩ့ အ့ၪမွဲပအီၪဘၪနီၪဆ့ မွဲဆၧမုၬဆၧလၩကအီၪဆ့နီၪလီၫႉ

ဆၧလဖၪယီၩနီၪဘိၭ မွဲလၧယဖီထၬဘၪလဖၪလီၫနဲၪႉ ဂီၩ့နီၪ ၂၀၂၃နံၪ့ World Happiness report အဖၧၩ့ ဘိၭဘၪၥ့ၪယၫထၪ့ဝ့ၫ ထံၪခးလၧဆၧမုၬလၩ ၥၭဎွံၪ အအီၪထုၬနီၪ မွဲလၧ Philand ဂီၩ့ နံၫခးလခး ဆၧမုၬလၩၥၭဎွံၪအအီၪထုၬ ထံၪခးနီၪ မွဲဝ့ၫဒၪလၧ ဒိန်းမတ်ထံၪခးအဂဲး ပၥ့ၪယၫဘၪနီၪလီၫႉ ခးအမ့ၫရံကၭၥံၪ ကိုးရီးယားၥံၪ ဂျပန်ၥံၪနီၪ အီၪလၧအလး၁၀ဘျဲၪအဖၧၩ့ဒံၭစွါဘဲၫႉ ပထံၪခးယီၩ နီၪဘိၭ အၪ့ဎၬယိမၩလီၫနဲၪႉ

ကဲမွဲယူၭ မုကနံၩယီၩ ယအဲၪဒိၭလီၩၥ့ၪယၫအ့ၪဘၪနၥံၪ ဆၧမုၬလၩၥၭဎွံၪ အဂဲးနီၪ မွဲဒၪထီးယီၩလီၫနဲၪႉ ယဆီၫ့မီၪ့နၥံၪဆ့ မွဲနၥံၪကၥ့ၪယၫထၪ့ ဆၧမုၬလၩ ၥၭဎွံၪတၡါအဂဲးယူၭဘိၭ လၧခဲၫ့မုနးနွံၫဒီၭမၬ ပကဒၪထဲၩ့လိၬၥၭလၧ ပဆၧထံၪလၩ့ ဒီၪလၩ့ဖၧၩ့ယီၩနဲၪႉ စံၭခိးစံၭတၩ ကိၭဒံၩကိၭဂၩလီၫႉ

နးအဲၪဖီၫဘွၩ