ကိၭမုဆဲၪ့နံၩ ခးပယၩ့ဖိၪၥံၪ ကမၩလၩမၩဖၩ့ဝ့ၫဒၪ ဆၨၩဆၬမုနံၩနီၪလီၫႉ ဆၧအယီၩဒုၭနၪ့ ထၪ့ထဲၩ့ပၧၩ အဆိၪထုၬလဘျၩ့ဆၧမၩလိၪဖိၪၥံၪအဆၧပိၩ့ထၪ့နီၪ ဒုၭလ့ၩထီၩ့စိၩထံၪခးယီၩ လၧဆၧပျီၩ ဖျ့ၭဖၧၩ့ၥၭဖၫ့ခိၪန့ဝ့ၫအဂဲးနီၪလီၫႉ
ကလ့ၩထၪ့လ့ၩထီၫဂီၩ့ ခီၫ့ၡၩဂးကဂ့ၩထၪ့ဒဲ ကကဲၪထၪ့ဆၧပျီၩဖျ့ၭထံၪခးအဂးနီၪဘိၭ ထီးမု ဆၫကနံၩယီၩ ကၪဂဲၩဝ့ၫဘိၩ့ဒံၭနီၪလီၫႉ အဆိၫထုၬယမိလီၩဘၪနီၪ ယအီၪလၧခးပယၩ့ဖိၪၥံၪ ကၠၧၫ့ ကၠၧၫ့လီၫႉ အကၧၩ့ဒိၪထုၬနီၪဘိၭ မွဲလၧဆၧဒုၭဆၧခၭအကၠီၩ့ ၦလၧအဘၪဒၪဆၧၫ့ယၫ ဆၧကၪဆၧဂဲၩ ဆၧၡၪ့ဆၧနၭလဖၪႇ ၦၥၭၡါလဖၪႇ ဖိၪဒံၪဖိၪၥၪလဖၪႇ ၦလၧအဘၪထံၭဘၪဆၫထၬလဖၪႇ ၦလၧ အဘၪလီၩ့ဂၭဎ့ၬဆၧဒုၭဆၧခၭလဖၪ ဒဲ လၧရိုဟင်ဂျာၥံၪကၠၧၫ့ကၠၧၫ့ ယအီၪဘၪလီၫႉ ယအၪ့ကံၩ့ ဘၩဆိၪဖၪအ့ၪအဝ့ၫၥံၪအဂးလီၫႉ
ၦအဖီၪ့စူၪဝဲၩလဖၪဒဲ ၦလၧအဘၪဆဲၫ့ဘၪထွ့ၫလဖၪဧ့ ဆၧဎူၫဆၧဎၩ့ ဆၧနဲၩန့ထိးၥၭ က အီၪထၪ့အဂးနီၪ ချဲၩ့ဎိၭလၩ့ကၠၭလၧ ဆၧတီၩဆၧလီၩ့ဖၧၩ့အဂးနီၪဘိၭ ယအၪ့ကံၩ့အၪ့ယၫထၪ့ထဲၩ့ဘၪ နၥံၪကဘျၩ့ဒီၭနီၪလီၫႉ