လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪမွဲဝ့ၫဒၪ ဂၪ့ခိၪဆၧထူၭဆၧလၧၫ့နီၪ မွဲဝ့ၫဒၪ ဆၧအဲၪဆၧကွံၩအဂး အဂဲးအကၠီၩ့နီၪလီၫႉ ပကန့ထၪ့ဘၪ ဆၧၥၭမၧၫ့ အဆိၩအကၠၪအဂး ပဘၪစူၭကီၪ့စ့ၩ လလိၪဘၪနီၪလီၫႉ အရ့ၩဎိၩထုၬနီၪ ပကဘၪ မၩထၪ့ဖျီၪဆၧအဲၪဆၧကွံၩလၧ ထၧၫ့ဖုဝဲ ဆၧအီၪက့ၪၥၭနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဂၪ့ခိၪဆၧထူၭဆၧလၧၫ့နီၪ ပလကြၨၭၥိၩ့ထၪ့ဘၪလၧ ဆၧအဲၪလၩ့ၥၭနီၪလီၫႉ ပကဘၪဆီၪ့မီၫ့အ့ၪ ၦဂူၫဂၩအဂးလိၪဝ့ၫဒၪနီၪလီၫႉ ပၥိၩ့ထၪ့ ဂၪ့ခီၪဆၧပိၭဆၧလၧၫ့ဂီၩ့ ပကဘၪ လီၩလၩ့လၬလၩ့ လံၬဆံၫ့ဎံၪဆၧပရၧၫ့နီၪလီၫႉ လကၭဒ့ၭဘၪႇ ကဆါကၠဲၭ ဖ့ၪလၫ့ထၬပၧၩ လၬဆီၫထီးအလူၬနီၪ ပကဘၪၥိၩ့ထၪ့ ပၧၩကဂၩအဂး အနဲၩအဎီၩ့ ထၧၫ့ဖု ထၧၫ့ဝဲၥံၪအဂး ကဆါကၠဲၭကိၭဖံၬၥိၭပၧၩနီၪလီၫႉ ဂၪ့ခိၪဆၧထူၭဆၧလၧၫ့နီၪ ဘၪကဲၪထၪ့ ဆၧအဲၪဆၧကွံၩအဂး ဘၪမနီၪလဲၪ ပကလီၩဘၪ ဘဲၫယီၩၥိၭနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ကဆါကၠဲၭ ဖ့ၫလၫ့ထၬ ဂၪ့ခိၪဖိၪၥံၪ ဂၪ့ခိၪဆၧထူၭဆၧလၧၫ့နီၪ ပကဘၪၥိၩ့ ပၧၩကဂၩအဂးမွဲအ့ၬ ႇ မွဲဝ့ၫၦကိၭဂၩအဂးနီၪလီၫႉ ဆၧအယီၩနီၪ မွဲဝ့ၫဒၪ ပမၩဆၧၩ့လိၬၥၭ လဂၩဘၪလဂၩနီၪအကၠီၩ့ ၥၫ့ဎွၩဖရၫ့စ့ၭ အဆၧၥီၫ့ဆၧၥၫ့အီၪ ဝ့ၫဒၪ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ