လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪမွဲဝ့ၫဒၪ ဆၧအဂ့ၩနီၪမၩ ဆၧလဂ့ၩဘၪ ပကဘၪ ဂၭဎ့ၭလိၪဝ့ၫဒၪအဂဲး အကၠီၩ့နီၪလီၫႉ ၦကိၭဂၩအၥၭခံဖၧၩ့နီၪ ၥၭစီၩ့ဆၧမၩ့အဂ့ၩဒဲ လဂ့ၩဘၪအီၪနံၫမံၩ့နီၪလီၫႉ ၥၭစီၩ့ဆၧမၩ့အဂ့ၩနီၪ အီၪဂဲၫလၧကၠဲၭအီၪနီၪလီၫႉ ၥၭစီၩ့ဆၧမၩ့ အဂ့ၩယီၩနီၪ ပမၩ ဆၧမၩလၧ ဂံၪ့ဒီၪ့ဖိၪ ဆၧအီၪက့ၪၥၭ ကၥ့ၪအဂး ကဲၪခိၪကဲၪနါပၧၩနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ၥၭစီၩ့ဆၧမၩ့ အဂ့ၩယီၩနီၪ မၩဆၧမၩအဂ့ၩနီၪလီၫႉ လၩ့ဆၫ့ဒၪဆၧႇ ကလၩ့ဘူၭလၧ ကၠဲၭအဂး ခိးဂဲးခိးဘၭ ဘၩကၠဲၭဂီၩ့ မၩဆၧအဂ့ၩထီးအလူၬနီၪလီၫႉ ဆၧအယီၩနီၪမွဲဝ့ၫဒၪ ၥၭစီၩ့ဆၧမၩ့ အဂ့ၩနီၪလီၫႉ ပကယိထဲၩ့ လၧခဲၫ့ကမံၩ့ခီၫနီၪ မွဲဝ့ၫဒၪ ၥၭစီၩ့ဆၧမၩ့ လဂ့ၩဘၪနီၪလီၫႉ အဝ့ၫယီၩနီၪ လီၩၦၡၩအလၩႇ ကိၪ့တဲၩ့ၦၡၩႇ အီၪက့ၪထၪ့ထီၫ ၥၭအီၪနီၪလီၫႉ ဆၧလဂ့ၩဘၪ ကယဲအီၪနီၪ မၩဝ့ၫထီးအလူၬနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ၥၭစီၩ့ဆၧမၩ့အဂ့ၩဒဲ လဂ့ၩဘၪ နံၫမံၩ့ယီၩ မီၪ့ဎီၩ့လိၭၥၭ နးဆံၭအ့ၬနီၪလီၫႉ အဝ့ၫၥံၪ ကနၧၩ့အဂး ဘၪပြၧၩ့လိၬၥၭ ကိၭနံၩနီၪလီၫႉ ၦၡၩကိၭဂၩ အၥၭခံဖၧၩ့နီၪ ကဲၪထၪ့ဘဲၫၥိၭ ဆၧဒုၭၥုၭထၪ့အလးနီၪလီၫႉ ဆၧနီၪအကၠီၩ့ ၦကိၭဂၩၥံၪယီၩ ပအီၪၥၭမၧၫ့ထၧၫ့ဘီၩ့ယၫနီၪ ပကဘၪရွံထၪ့ ၥၭစီၩ့ဆၧမၩ့အဂ့ၩ လိၪဝ့ၫဒၪအကၠီၩ့ ၥၫ့ဎွၩဖရၫ့စ့ၭ အဆၧၥီၫ့ဆၧၥၫ့အီၪ ဝ့ၫဒၪ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ