နံၪ့၂၀၂၄နံၪ့ လၩနိၫဝံၩဘၧၫ ၁၇ၥၫ့လဂီၩ ၆နၩရံၫခီၫအခံၫ့နီၪ စိန့်ဖရန်စစ်ဇေးဗီးယားမံၭထၭမုၪလဖၪ ဒိၭန့ ထၪ့ ၂၅နံၪ့စ့ၩဘျံၭယူၩဘလံၫ မံဆၩဆၧလုထၪ့အီၪဝ့ၫဒၪလၧ ဒိၩ့ပၥံၫ့ မယၩ့ခၠီၩ့နီၪလီၫႉ

လၧမံဆၩဆၧလုထၪ့ဖၧၩ့ ၥၫ့ခိၪဒိၪဂဲၪထၪ့ဖ့ၪဂဲးဖ့ၪဘၭဝ့ၫဒၪ၃ဂၩနီၪလီၫႉ ၥၫ့ခိၪဒိၪလဖၪနီၪ မွဲဝ့ၫဒၪ ဒိၩ့ပၥံၫ့ ဆၧအီၪကီၪ့ၥၫ့ခိၪဒိၪ Bp.Henry Mahn Eikhlein, ဝံးတခိၩ့ဆၧအီၪကီၪ့ၥၫ့ခိၪဒိၪ Bp.Francis Than Htun ဒဲ တောင်ကြီးဆၧအီၪကီၪ့ ၥၫ့ခိၪဒိၪ Bp.အားသိုက် ၥံၪနီၪလီၫႉ

ၦလၧအထိးဆၧၫ့ဒိၭန့ ကဲၪထၪ့မံၭထၭမုၪအနံၪ့အီၪထၪ့ဘၭ၂၅နံၪ့ စ့ၩဘျံၭယူၩဘလံၫလဖၪနီၪမွဲဝ့ၫဒၪ

– စစ္စတာရ် ကာမဲလားမော်စီလတ်

– စစ္စတာရ် ဖလော်ရာနော်ဒါး

– စစ္စတာရ် မေရီထုအိန်

– စစ္စတာရ် ထရေဇားဂျာမိုင်လု

– စစ္စတာရ် ရိုဇားဘောမ်၀မ်း

– စစ္စတာရ် ဧလိဇဘက်ခေါန်ဆန့်

– စစ္စတာရ် မေရီလုအောင်

– စစ္စတာရ် မေရီရွယ်ခေါင် ၥံၪနီၪလီၫႉ

လၧမံဆၩဆၧလုထၪ့ဖၧၩ့ ၥၫ့ခိၪဒိၪ Bp.Francis Than Htun နီၪ လီၩလၩ့လါလၩ့ဝ့ၫဒၪ ၥၫ့ခိၪဒိၪ Bp.John မၩ့ဆံၫ့ဎံၪလီၩအ့ၪအဝ့ၫ “ပကဲၪၦၡၩအဆၧၥၭမၧၫ့ယီၩ အီၪဝ့ၫဒၪ ၃ဆၫ့ အဆိၪထုၬကဆၫ့နီၪ ဖိၪၥၪအခံၫ့ႇ နံၫဆၫ့လ ဆၫ့နီၪ ၥၭဘၪ့ၥၭလွအခံၫ့ ဒဲ လခဲၫ့ထုၬကဆၫ့နီၪ ၥၭၡါအခံၫ့လီၫႉ အ့ၪမွဲပဖျီၪ့ထၪ့ ပဖိၪၥၪဆံၭအခံၫ့ဆၧဒုၭစ့ၭလံၬနီၪ ပကဖျီၪ့ထၪ့ၥၭဘၪ့ဆၧဒုၭစ့ၭလံၬလီၫႉ အ့ၪမွဲပဖျီၪ့ထၪ့ထဲၩ့ ၥၭဘၪ့ဆၧဒုၭစ့ၭလံၬနီၪ ပကဆုးထဲၩ့ဖျီၪ့ထၪ့ထဲၩ့ ၥၭၡါ ဆၧဒုၭစ့ၭလံၬနီၪလီၫႉ အ့ၪမွဲပဖျီၪ့ထၪ့ထဲၩ့ ၥၭၡါဆၧဒုၭစ့ၭလံၬယူၭနီၪ လၧဆၧမုၬဆၧၡူၪဖၧၩ့ ပကစဲၪ့ထၪ့ဘၪလၧ ဂၪ့ခိၪချိၫ့ဖၧၩ့ယီၩလီၫႉ ဘဲၫၥၫ့ခိၪ Bp.John မၩ့ဆံၫ့ဎံၪ စံၭထၬယၧၩအၥိၭ ကနံၩယီၩမံၭထၭမုၪ လၧအဒိၭန့ယူၩဘ လံၫလဖၪယီၩ အၥၭကအီၪဖိၭဘိၭ ၅၀ဘျဲၪဘျဲၪယူၭနီၪလီၫႉ ဆၧနီၪအကၠီၩ့ ဆၧထိၪတွၭအၪ့ဎၬလဖၪ မွဲကအၪ့လဲၩ ထၪ့ၥၭကနၩ့နၩ့ယူၭနီၪလီၫႉ ပကဲၪၦၡၩနီၪ ဆၧဂဲးဆံၭဘၭဆါအီၪဝ့ၫဒၪကိၭဂၩဒ့ၭနီၪလီၫႉ ကဆါယွၩနီၪယိထၪ့ဒၪ ပလီၩ့ဖိၬဆၧအုၩ့လၩ့ဎွ့ၩပၥ့ၪလဲၪနီၪလီၫႉ ပဂဲၫထဲၩ့ခၪ့ဖၭခွံၬ၂၅နံၪ့ယီၩန့နီၪ မွဲလၧယွၩအခိးအတၩဒဲ မွဲဒံၭလၧ ပဆၧ ကျ့ၭစၨၭထၪ့အကၠီၩ့လီၫႉ ဆၧနီၪအကၠီၩ့ ယူၩဘလံၫဆါမံၭထၭမုၪလဖၪယီၩ လၧဆၧမံၪ့ၥုၪ့မံၪ့ၥၭလၩ့ၥၭဖၧၩ့ အီၪထး ဝ့ၫဒၪဆၧၥၭမၧၫ့နီၪ မွဲကဆုးထဲၩ့ကျ့ၭစၨၭထၪ့ကၠၭဝ့ၫအဂဲး ယနဲၩတၡါလီၫႉ လကၭဘၭ လၧဆၧယီၫယီၫဖၧၩ့ မွဲနၥံၪ ဒိၭန့ဘၪ ယွၩအဆၧမုၬဆၧၡူၪဂီၩ့တၭ မူၭခိၪဘၩ့မုးဆၧမုၬဆၧၡူၪအလးနီၪမွဲနၥံၪကိၭဂၩဒ့ၭ ထီၩ့လၫ့ဒၪဝ့ၫလါဆံၭႉ”  အဂဲး ၥၫ့ခိၪဒိၪ Bp.Francis Than Htun နီၪ လီၩလၩ့လါလၩ့ဝ့ၫဒၪ ဘဲၫယီၩအၥိၭနီၪလီၫႉ

စိန့်ဖရန်စစ်ဇေးဗီးယား မံၭထၭမုၪခရၧၫ့ယီၩ ၥၫ့ခိၪဒိၪ Bp.Alexendar Cardot ဂဲၫထဲၩ့ၥုၪ့ထၪ့ထၬဂီၩ့ ထီၩ့မုဆၫကနံၩယီၩနီၪ ကဲၪထၪ့ထၬအနံၪ့အီၪထၪ့ဘၭဝ့ၫ ၁၂၆နံၪ့ယူၭနီၪလီၫႉ မံၭထၭမုၪထီးလူၬ အီၪထၪ့ဝ့ၫဒၪအဂၩ ၄၀၀ဘျဲၪယူၭအဂဲး ပန့ဘၪဆၧပရၧၫ့ဘဲၫယီၩအၥိၭနီၪလီၫႉ

နးအဲၪဖီၫဘွၩ