ပကဲၪၦၡၩယီၩ ပၥၭနီၪ မွဲအရ့ၩဒိၪထုၬဒ့ၭလီၫႉ ဆၧချဲၩ့အီၪဝ့ၫကမီၪ့ အ့ၪမွဲပၥၭဒၨၭလၩ့ပၧၩ နီၪပမိၡါဆ့ မွဲကလၩ့ဆိၩ့ဎိၫ့နီၪလီၫႉ ဆၧနီၪအကၠီၩ့ ပအၪ့လုပၥၭဘဲၫကၥ့ၪတီၩတီၩလီၩ့လီၩ့နီၪဆ့ အရ့ၩဒိၪဝ့ၫနၭမၬလီၫႉ

ဆၧနီၪအကၠီၩ့အဆိၪထုၬ ပကဘၪအၪ့လုထၬၥၭအဂ့ၩအဘွၩနီၪလီၫႉ ၥၭလိဖၭႇ ဆၧၥၭ ထၪ့ ဒဲ ၥုၪ့ခံၭၥၭခံၭလဖၪ ဂဲၫနုၬလၩ့ပလၧၫ့ပၧၩအဂဲး အ့ၪမွဲပလၥ့ၪယၫလၩ့ဘၪပၥၭနီၪ ပၥုၪ့ၥၭ ကခိဝီၩဂီၩ့ ပကဒၪဘၪဆၧနၬနီၪလီၫႉ ဆၧဘိၪ့အၧၩ့ ကမံၩ့နီၪ ဖ့ၪလၫ့ဒၪပၧၩ ဆၧအအၧၩ့လီၫႉ ၦလၧအထိးဆၧၫ့ထၬအဝ့ၫနီၪ ကိၪ့ဝ့ၫထၧၩ့ဘၪလၩ့လၧဆၧနၬဖၧၩ့ ဆၧကၪဆၧဂဲၩဖၧၩ့လီၫႉ ဆၧနီၪ အကၠီၩ့ ကျ့ၭစၨၭစဲၪ့ထၪ့ခွံၬလၧ ဆၧဘိၪ့အၧၩ့အဖၧၩ့ယီၩထၧၩ့အန့လါဆံၭႉ ဆၧလဂ့ၩဘၪလဖၪနီၪ ဂၭဎ့ၬခွံၬလါဆံၭႉ

အီၪက့ၪထၬၥုၪ့ဂ့ၩၥၭဘွၩနီၪလါဆံၭႉ ဆၧအဂ့ၩလဖၪနီၪ မၩထၪ့ကၠၭလါဆံၭႉ အီၪက့ၪထၬ နၥၭဘွၩဘွၩလါဆံၭႉ ဆၧအယီၩနီၪ မွဲလၧဆၧၥုၪ့မုၬၥၭၡူၪ အနိၪဝံၬနီၪလီၫႉ လၧနဆၧၥၭမၧၫ့ဖၧၩ့ မၩယိထၪ့နးထံၪ နကဒၪဘၪဆၧလၩ့ဆၫ့လၩ့မဲၩလဖၪနီၪလီၫႉ