လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪ မွဲဝ့ၫဒၪ ဆၧအၪ့ဆၧအီၩ အီၪထး ထီးအလူၬနီၪ ပကဘၪမၩဆၧၩ့ ၦလၧ ဆၧအၪ့ လအီၪဘၪၥံၪ အဂး လိၪဝ့ၫဒၪ အဂဲးအကၠီၩ့နီၪလီၫႉ ၦၡၩလနၩ့နၩ့နီၪ အၪ့ဆၧလလုၬဘၪ ခွံၬၡိၬဝ့ၫၥ့ၪ ဘုၪဘုၪယီၫယီၫနီၪလီၫႉ လၩ့ဆၫ့ဒၪဆၧႇ ဆၧမၩအယီၩနီၪ ၦကဲၪဒိၪကဲၪမုၥံၪ မၩအၪမၬဒ့ၭနီၪလီၫႉ ပအၪ့ဆၧဂီၩ အီၪထးကဒီၪ့နီၪ ကြၨၭပခွံၬရိၭ နးဆံၭအ့ၬ ပဖ့ၪလၫ့အ့ၪ ၦလၧဆၧအၪ့ လအီၪဘၪၥံၪနီၪ စွါဘဲၫ အဝ့ၫၥံၪ အၥၭကဎွံၪႇ ကဆံၭခိၭဆံၭတၩဆၧ အၪမၬဒ့ၭနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ပအၪ့ဆၧဂီၩ့ အီၪထးကဒီၪ့ အရ့ၩဎိၩဘဲၫၥ့ၪလဲၪနီၪ ပကဘၪၥ့ၪယၫနီၪလီၫႉ လၩ့ဆၫ့ဒၪဆၧႇ ပကဘၪၥ့ၪယၫ မ့ၩအရ့ၩဎိၩနီၪလီၫႉ နၥံၪအၪ့ဆၧဂီၩ အီၪထးကဒီၪ့ အရ့ၩဎိၩဘဲၪၥ့ၪလဲၪ နၥံၪကၥ့ၪယၫအဂး အၪ့စၧၫ့ထဲၩ့နၥံၪအဖံၫအဖုၫၥံၪနီၪလီၫႉ ဘၪ မနီၪလဲၪစွါဘဲၫႇ အဝ့ၫၥံၪဘၪဒၪဆၧၫ့ယၫ ဆၧဒုၭဖၭဒိၪ နံၫဘျၩ့လဘျၩ့အခံၫ့ဒၪအိၩ ဆၧအၪ့ဆၧအီၩ အရ့ၩဎိၩ ဘဲၫၥ့ၪလဲၪအကၠီၩ့ အဝ့ၫၥံၪ ၥ့ၪယၫဂ့ၩဂ့ၩဘၪဘၪနီၪလီၫႉ ပကယိလၧ အထီအခံၫ့ယီၩစွါဘဲၫ ဆၧကၪဆၧဂဲၩအီၪကိၭမံၩ့နီၪလီၫႉ ၦဘၪဒၪဆၧၫ့ယၫ ဆၧကၪဆၧဂဲၩ ထီးအလူၬဖၧၩ့ ဆၧအၪ့ဆၧအီၩနီၪ မွဲဝ့ၫဒၪအရ့ၩဎိၩထုၬနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ပအၪ့ဆၧဂီၩ့ အီၪထးကဒီၪ့ ပကခွံၬၡိၭစွါဘဲၫ ပကဘၪ ယိထဲၩ့ ၦလၧအၪ့ လအီၪဘၪၥံၪ အဂးနီၪလီၫႉ ပအၪ့ဘၪ လၧၫ့လၧၫ့ဎွ့ၩဎွ့ၩနီၪ မွဲဝ့ၫဒၪ ကဆါယွၩ အခိၭအတၩနီၪလီၫႉ ဆၧနီၪအကၠီၩ့ႇ ပအၪ့ဘၪ လၧၫ့လၧၫ့ဎွ့ၩဎွ့ၩအခံၫ့ႇ အ့ၪလမွဲဘၪ ပအၪ့ဆၧဂီၩ့ အီၪထးအခံၫ့ ပကဘၪ နၪ့ထၪ့ မၩဆၧၩ့ ၦလၧအၪ့ဆၧ လအီၪဘၪၥံၪအဂး လိၪဝ့ၫဒၪအကၠီၩ့ ၥၫ့ဎွၩဖရၫ့စ့ၭ အဆၧၥီၫ့ဆၧၥၫ့အီၪ ဝ့ၫဒၪ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ