ၦဆံၫ့ဎံၪ  Wenceslas  အဂဲး

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ  Wenceslas  အဂဲးအကၠီၩ့နီၪလီၫႉ ၦဆံၫ့ဎံၪ Wenceslas  ယီၩ အီၪဖျဲၪလၧ နံၪ့ (907) နံၪ့ နီၪလီၫႉ ၦဆံၫ့ဎံၪ Wenceslas  ယီၩမွဲဝ့ၫဒၪ ၦဎွၩကပၩနီၪလီၫႉ အဝ့ၫကကဲၪထၪ့ ကၭၥလ့ၬဖိၪကဂၩအဂး အဖံၫဖံၫၥီၪ့အ့ၪအဝ့ၫ ကၠဲၭလူၬကၠဲၭထၫအၪမၬဒ့ၭနီၪလီၫႉ လါနၫ့ အမိမိနီၪ ဘၩကၠဲၭနးကၠၪအ့ၬနီၪလီၫႉ အမိမိနီၪ မၩၥံၫအဝ့ၫအဖံၫဂီၩ့ ပၧၩ့ထဲၩ့ ခွးရိၩ့ နီၪလီၫႉ အဝ့ၫအခွးရိၩ့ဖၧၩ့ ဆၧကၪဆၧဂဲၩ့ ကဲၪထၪ့အကၠီၩ့နီၪ အဝ့ၫအလးလၩ့ထ့ၬဂီၩ့ ၦၡၩရွံထၪ့ထဲၩ့ အဖိၪခွၫ Wenceslas နီၪလီၫႉ ၦဆံၫ့ဎံၪ  Wenceslas  ယီၩ Japan ၥၫ့ခၫၥံၪ ၥၫထနၫဆၧမၩအဂး အဝ့ၫမၩဆၧၩ့ဝ့ၫဂီၩ့ မၩအၪထၪ့ ဎရံၬဖိၪၥံၪနီၪအကၠီၩ့ ဆၧကၪဆၧဂဲၩ  ကဲၪထၪ့လၧ ဆၧဘိၪ့ဆၧဘၩဂူၫဂၩနီၪလီၫႉ

နံၪ့ (၉၂၉) နံၪ့နီၪ ဘၪဒၪဆၧၫ့ယၫလၧ Japan ဆၨၩၥံၪ အလးနုၬဖျီးနီၪလီၫႉ ဆၧနီၪအကၠီၩ့ အဝ့ၫဘၪကွ့ၭ အၪ့ကံၩ့ဆၧယၫ့ၥၭလံၬလၧ Japan ၦဎွၩအီၪနီၪအကၠီၩ့ အဝ့ၫအဘူၭအထံးၥံၪ အၥၭထၪ့အဝ့ၫနီၪလီၫႉ ဆၧနီၪအကၠီၩ့ အဖုခွၫဆီၩမၩၥံၫ အဝ့ၫလၧ တရၫ့ခိၪထိၭနီၪလီၫႉ ၦဆံၫ့ဎံၪ Wenceslas ယီၩ ကၥံၫထီနီၪ ဖျါခွံၬဝံၬအဖုခွၫ အဆၧဘၪမၪ ထီးအလူၬနီၪလီၫႉ အဝ့ၫၥံၫဖီၩ့ခွံၬဂီၩ့နီၪ ၦၡၩဒၪဘၪ ဖးထၪ့အၪမၬဒ့ၭနီၪလီၫႉ အဝ့ၫဘၪထိးမၩၥံၫၥၭဂီၩ့ ၦၡၩမၩနဲၪ့ထၬ အဝ့ၫလၧ ပဒၩ့ထၬ  ဝံး Bohemia ၦဆံၫ့ဎံၪနီၪလီၫႉ ဆၧနီၪအကၠီၩ့ ၦၡၩကိၭအဝ့ၫလၧ Good King Wenceslas နီၪလီၫႉ လကၭဒ့ၭဘၪႇ ယၩနံၪ (၁၉)နံၪ့  ဒၪအိၩ ၦၡၩကွ့ၭထၬ ဎရံၬအီၪဖျဲၪ ဆၧယၧၩ့ဘၪဒ့ၭနီၪလီၫႉ

ၦဆံၫ့ဎံၪ  Wenceslas  ယီၩ မွဲဝ့ၫဒၪ ၦဎွၩဖိၪနီၪလီၫႉ အဝ့ၫအမံၩ့ Wenceslas အခီၫပယီၫနီၪ မွဲဝ့ၫဒၪ အၥူၭအၥဲၪ့ ဆၧဒိၪထုၬနီၪလီၫႉ ၦဆံၫ့ဎံၪ  Wenceslas ယီၩ ဝံး Bohemia အဂး ကဲၪထၪ့  ၦဆံၫ့ဎံၪ နီၪလီၫႉ အဲၪကွံၩဘၪ ထၧၫ့ဖုဝဲထံၩၥိၭ ထီးအလူၬၥံၪဧ့ႇ ဘဲၫၥိၭနၥံၪကထီးန့ထၬ ၦဆံၫ့ဎံၪ  Wenceslas အဂဲးအကၠီၩ့ ကန့အဂး ယရၩလၩ့န့အ့ၪဘၪနၥံၪလၧ    ဆၧအဲၪဆၧကွံၩ   ဎိၩဒိၪဖၧၩ့နီၪလီၫႉ  အဲၪကွံၩဘၪ ထၧၫ့ဖုဝဲ ထံၩၥိၭထီးအလူၬႇ မွဲနၥံၪလၧၫ့ဎွ့ၩဝ့ၫဒၪလၧ ကဆါယွၩ အဆၧအဲၪဆၧကွံၩလါဆံၭႉ