လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪမွဲဝ့ၫဒၪ ပကဘၪမၧၫ့ထၪ့ ဂဲၩထၪ့လၧ ဆၧဆူနဲၩအဂဲး အကၠီၩ့နီၪလီၫႉ ကဆါဎြံၬအဆၧအဲၪႇ ဆၧဖ့ၪလၫ့ဒဲ မၧၫ့ထၪ့ဂဲၩထၪ့နီၪ မွဲဝ့ၫဒၪ ကဆါဎြံၬ အဆၧထိးတဲၩ့ အဝံအစၧၩ့နီၪလီၫႉ ဎရံၬဖိၪၥံၪ အၪဒၪဆၧနီၪ ၥ့ၪယၫဆၧဘိၪ့ဆၧဘၩအဂဲး ၡၩခိၬဂီၩ့ မံၫ့ၥၭအီၪဧၫနီၪ ပကဘၪ ဆီၫ့မီၪ့လၩ့ပၥၭ လိၪဝ့ၫဒၪနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ပအီၪၥၭမၧၫ့လၧ ဆၧဆူနဲၩ ဘဲၫၥ့ၪလဲၪနီၪ ပကဘၪ ၥ့ၪယၫနီၪလီၫႉ ပအဲၪဒိၭ န့ထၪ့ ဆၧမုၬဆၧလၩ ကဆိၬကလးအဂး စွါဘဲၫ ပၥၭခံဖၧၩ့ ဆၧဆူနဲၩ ကအီၪဒၪ အိၩချိၩနီၪလီၫႉ ဆၧကဆိၬကလးနီၪ ဂုးခၧၫ့အဆိၩအကၠၪအ့ၬနီၪလီၫႉ ဆၧအယီၩ ထီးအလူၬနီၪ မွဲဝ့ၫဒၪ ဖံၭခိၪယၪခိၪ နီၪလီၫႉ အခံၫ့ယံၬထၪ့ စွါဘဲၫ ပဆၧဆူနဲၩ ကလၩ့မၬခွံၬအဂး ဆၧမၩထံးထၬ ကကဲၪထၪ့ အမံၩ့မံၩ့နီၪလီၫႉ လါနၫ့ႇ ပမၩနၧၩ့ခၪ့ဖျီၪ ဆၧအယီၩ ကန့အဂး ကဆါယွၩနီၪ ဖ့ၪအ့ၪပၧၩ အစၩ့ထံၫ ကိၭနံၩနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဆၧလၧ ဆၧဆူနဲၩနီၪ ဎရံၬဖိၪၥံၪ အဆၧၥၭမၧၫ့အဂး မွဲဝ့ၫဒၪ အတိၩ့ဖၧၩ့နီၪလီၫႉ အရ့ၩဎိၩကမံၩ့နီၪ မနီၪလဲၪစွါဘဲၫႇ ပၥ့ၪယၫဆၧဆူၩနဲၩ အဂဲးအဖးၡၩခိၬနီၪ လၧၫ့ဎွ့ၩလအ့ၬႇ မံၫ့ၥၭန့လအ့ၬနီၪလီၫႉ ပနးၥၭအဂး ပဆၧဆူၩနဲၩ ကဘၪ လ့ၩထၪ့လ့ၩထီၫ အၪအၪ လိၪဝ့ၫဒၪအကၠီၩ့ ၥၫ့ဎွၩဖရၫ့စ့ၭ အဆၧၥီၫ့ဆၧၥၫ့အီၪ ဝ့ၫဒၪ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ