ပဖ့ၪလၫ့နၧၩ့အကၠီၩ့ ဂဲၫမၩထံၩမၩၥိၭပၧၩထံၩၥိၭလဖၪနီၪ အ့ၪမွဲပဖ့ၪလၫ့လန့လၧၩ့ဘၪကကၠၪ ကခွံၬၡိၬထးပၧၩလီၫႉ ပဒုၭအၪ့ဒုၭအီၩနၧၩ့အကၠီၩ့ ဂဲၫမၩထံၩမၩၥိၭပၧၩ ထံၩၥိၭလဖၪနီၪ အ့ၪမွဲပဒုၭအၪ့ အီၩ လနၧၩ့လၧၩ့ဘၪကကၠၪ ကခွံၬၡိၬထးပၧၩနီၪလီၫႉ နမၩဆၧၩ့နၧၩ့အကၠီၩ့ ဂဲၫမၩထံၩမၩၥိၭနၧၩ ထံၩၥိၭ လဖၪနီၪ အ့ၪနမၩဆၧၩ့လနၧၩ့လၧၩ့ဘၪကကၠၪ ကခွံၬၡိၬထးနၧၩနီၪလီၫႉ အၪ့မၧၫ့ပၧၩန့အကၠီၩ့ ဂဲၫမၩ ထံၩမၩၥိၭပၧၩ ထံၩၥိၭလဖၪနီၪ အ့ၪမွဲအၪ့မၧၫ့ပၧၩလန့လၧၩ့ဘၪကကၠၪ ကခွံၬၡိၬထးပၧၩနီၪလီၫႉ ပအၪ့ လီးအ့ၪနၧၩ့အကၠီၩ့ ဂဲၫမၩထံၩမၩၥိၭပၧၩ ၦၡၩလဖၪနီၪ အ့ၪမွဲပအၪ့လီးအ့ၪလနၧၩ့လၧၩ့ဘၪကကၠၪက ခွံၬၡိၬထးပၧၩနီၪလီၫႉ
ဆၧလၧထံၩၥိၭကမံၩ့နီၪ လီၩ့ထိၪဘၪလၧ ဆၧဖ့ၪဆၧၫ့လဂ့ၩႉ လီၩ့ထိၪဘၪလၧ ဆၧအၪ့န့လ ဂ့ၩႉ ထိၪဒၪလၧဆၧအဲၪဆၧကွံၩႇ ဆၧနၪၥ့ၪလိၬၥၭႇ ဆၧစီၪဒီၩ့ဘၪဎီၩ့လၩ့ၥၭ ဒဲ ဆၧယၫ့ၥၭလိၬၥၭဂီၩ့ မၩ ထံၩမၩၥိၭလိၬၥၭလါဆံၭႉ
ပအၪ့ဘၪဆၧအၪ့ဆၧအီၩအအွံၪအဆၧၫ့အထီမွဲဂ့ၩ ပန့ဘၪဆၧကိၪ့ဘၪကိၪ့ၥ့ၪအထီမွဲဂ့ၩ ပကဘၪအၪ့နၩ့ထဲၩ့လိၬၥၭနီၪလီၫႉ အ့ၪမွဲပၥၭအုၭအထီပကလီၩၥ့ၪယၫလိၬၥၭဂီၩ့ ပကဘၪဖ့ၪဂဲးဖ့ၪ ဘၭလိၬၥၭနီၪလီၫႉ အ့ၪမွဲဆၧအမုၬအီၪဆ့ ပကဘၪမုၬလၩၥၭဎွံၪကၠၭကၠၧၫ့ကၠၧၫ့လီၫႉ
ၥၭလၧပမိအၪ့န့ဆၧ ၥၭလၧပယိလၩ့ဒၪန့ၫပခံးပဂးလီၫလဖၪအကၠီၩ့ ထီးဖျါလၩ့ခွံၬဘၪ ထံၩၥိၭအဂ့ၩထုၬလဖၪနီၪလဂ့ၩနဲၪႉ ထံၩၥိၭအဂ့ၩထုၬလဖၪနီၪ မွဲအီၪၡၩၡၩဖိၪလီၫႉ အ့ၪမွဲပဒၪန့ထံၩၥိၭ အဂ့ၩထုၬလဖၪစွါဘဲၫ မွဲပကဘၪအီၪက့ၪဒိၪအဝ့ၫၥံၪလီၫႉ အဝ့ၫၥံၪနီၪ လၧပဂးမွဲလၧကဆါယွၩ ဖ့ၪလၫ့ထၬပၧၩ လၬဆီၪ့နီၪလီၫႉ
နးအဲၪဖီၫဘွၩ