လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪမွဲဝ့ၫဒၪ ပကဘၪ ယိဆၧၩ့ ၦဂူၫဂၩ အဝံခိၪထုၬ လိၪဝ့ၫဒၪအဂဲး အကၠီၩ့နီၪလီၫႉ ၦၡၩအၪဒၪဆၧနီၪ ၦဂူၫဂၩ ယိဆၧၩ့ပၧၩ အဝံခိၪထုၬနီၪ ပမိထိးဆၧၫ့နီၪလီၫႉ ဆၧအယီၩနီၪ မွဲဝ့ၫဒၪ န့ၩခၠၧၫ ကမံၩ့နီၪလီၫႉ လါနၫ့ႇ ပကဘၪ ယိဆၧၩ့ ၦဂူၫဂၩ အဝံခိၪထုၬနီၪ ပၥၭနၪ့ၥ့ၪဝ့ၫဒၪနီၪလီၫႉ ၦၡၩလနၩ့နၩ့နီၪ ကျဲၩ့မၩၥၭနၪ့အၥၭနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဆၧလၧ ပကဘၪ ယိဆၧၩ့ၦဂူၫဂၩ အဝံခိၪထုၬနီၪ ဆၪ့လၩ့ၥၭ ကဘၪအီၪနီၪလီၫႉ ပကမၩ ဆၧမၩယီၩအဂးနီၪ ဆၧကၪဆၧဂဲၩ အီၪအၪမၬဒ့ၭနီၪလီၫႉ လါနၫ့ ဆၧဆၪ့လၩ့ၥၭႇ ဆၧဖျါခွံၬဒဲ ဖ့ၪလၫ့လၩ့ၥၭ အ့ၪအီၪလၧ ပၥၭခံဖၧၩ့နီၪ ပမၩထၪ့ ကယီၫဝ့ၫဒၪနီၪလီၫႉ ပမိထိးဆၧၫ့ ၦဂူၫဂၩ ခိၭနၪပၧၩ စွါဘဲၫႇ ပကဘၪခိၭနၪဂု ၦဂူၫဂၩနီၪလီၫႉ ပမိထိးဆၧၫ့ ၦဂူၫဂၩနံဘၪပၧၩႇ ပမိထိးဆၧၫ့ ၦဂူၫဂၩၥၭဂ့ၩၥၭဘွၩအီၪပၧၩ စွါဘဲၫႇ ပကဘၪစၭထၪ့ မၩဂုနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ပမိထိးဆၧၫ့ ၦဂူၫဂၩ ဖ့ၪဂဲးဖ့ၪဘၭပၧၩႇ ပမိထိးဆၧၫ့ ၦဂူၫဂၩယိဆၧၩ့ပၧၩႇ ဆၧအယီၩ ထီးအလူၬနီၪ ပကဘၪ စၭထၪ့ ပနၫ့ဆါနီၪအကၠီၩ့ ၥၫ့ဎွၩဖရၫ့စ့ၭ အဆၧၥီၫ့ဆၧၥၫ့အီၪ ဝ့ၫဒၪ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ