ဆၧအီၪကီၪ့နံၫဘျၩ့လဘျၩ့ ၥၫ့ဎွၩဖရၫ့စ့ၭ ဝဲထၪ့ဆၧချဲၩ့နီၪမွဲဝ့ၫဒၪ ဆၧလၧဆၫ့လၩ့ၥၭဒဲ ပလ့ၩဆၧကၠၧၫ့ကၠၧၫ့လၧ ကၭၥလ့ၬဆၧအီၪကီၪ့နီၪ ပကမၩထၪ့ဆၧၡူၪဆၧဘၩ ၥၫထနၫဆၧမၩအဂး ကလၧၫ့ဎွ့ၩထၪ့နီၪလီၫႉ

             အဆၧၫ့လထ့ၬဆၧလ့ၩဆၧထဲၩ့ဆၧအီၪကီၪ့နီၪ ကဆါဎြံၬ မၩၥၫထနၫဆၧမၩအဂး မွဲဝ့ၫဒၪ နွၩကဘံၪ့နီၪလီၫႉ ခီၫလၧဆၧအၪ့မၧၫ့ဖိၪၥံၪ အထီဒၪအိၩ ဆၧအီၪကီၪ့ ၥၫထနၫဆၧမၩနီၪ ကဂဲၫဆိၬန့ ဆၧၡူၪဆၧမုၬအဂးဒဲ ဘိၭဘၪၥ့ၪယၫ ကဆါဎြံၬဆၧပရၧၫ့နီၪလီၫႉ

                ပကယိထဲၩ့ၥၭမုဆံၫ့ဎံၪအဆၧမၩစွါဘဲၫ မၩဖူၬလူၭကူၭထဲၩ့ ၥၭနီၩ့ချံးလဖၪႇ ၥၭချံၫ့ဆိၬဘၩ့အီၪကဒီၪ့နီၪ မၩခိထဲၩ့ဝ့ၫႇ ဖိၬမၪဖၧၩ့ၥၭစွါဘဲၫ နဲၪထဲၩ့ဖၧၩ့ၥၭအဘၪနီၪလီၫႉ  လၩ့ဆၫ့ဒၪဆၧႇ ၥၭအုၭၥၭလၩ့ဆံၭအခံၫ့ ဆၧယိလါလၩ့မါခွံၬဂီၩ့ ဘၪဒၪဆၧၫ့ယၫ မၩထံၬထၬအခံၫ့စွါဘဲၫ ၥၭမုဆံၫ့ဎံၪယီၩ အီၪလၧပၧၩကိၭကၠၪဒ့ၭနီၪလီၫႉ

 လကၭဒံၭဘၪ ၥၭမုဆံၫ့ဎံၪယီၩ ကံၭဒူၭအ့ၪပၧၩ ပမ့ၬထံၫ မၩမုၬပၥၭဂီၩ့ မၩဆုးကျိၭအ့ၪပၧၩလၧ ဖါကဆါယွၩနီၪအကၠီၩ့ ၥၫ့ဎွၩဖရၫ့စ့ၭ လီၩၥ့ၪယၫဝ့ၫလၧ ၥၫ့ခိၪဒိၪၥံၪဆၧအီၪကီၪ့နီၪလီၫႉ

Translated by Sr.Naing Naing Win