အီၪလၧ ပခိၩခိၪလီၩ့ဖျိၩ့ၡၩ့လဖၪၥံၪနီၪ ပကဒၪဘၪ ၦဖျိၩ့အဆၧဆၧးဎံၫဆၧးလၩလဖၪအီၪထးဂ့ၩဘၪဆဲၪ့ဒံၭနီၪလီၫႉ အီၪလၧပခိၩခိၪလီၩ့ခိၪ ၦဖျိၩ့ၡၩ့ဖိၪၥံၪၥၭၡါလဖၪ ချဲၩ့ပယၩ့အဆၧချဲၩ့ လဘၪဘၪဂ့ၩဂ့ၩအီၪလါနၫ့ဂ့ၩ ၥၭဘၪ့ၥံၪလဖၪနီၪ ချဲၩ့ၥ့ၪဂ့ၩဂ့ၩနီၪလီၫႉ ဖျိၩ့ၡၩ့အမုၪၥၭၡါလနၩ့နၩ့နီၪ ဆဲၫ့ဆၭကံၪအၥၧၫ့လဖၪနီၪ အီၪလၧဂံၪ့ ၥိၭကီၩ့ဝ့ၫကိၭနံၩ မွဲအီၪဆ့နီၪလီၫႉ အဝ့ၫၥံၪ အၪ့အူၭၥၭမံၫ့လၩ့အၥၭလၧ ကဲၪဘၪဖျိၩ့ဆၨၩအကၠီၩ့နီၪလီၫႉ အီၪလၧ ဖံၭဒၩလး ဖျိၩ့ၡၩ့လဖၪနီၪ မွဲဖျိၩ့ဘုၭဒၭၥံၪဂီၩ့ တဝၫ့လနၩ့နၩ့နီၪ ဖျိၩ့ၡၩ့ဆၧချဲၩ့ဂဲၫလၩ့မါထၪ့ အီၪဝ့ၫနီၪလီၫႉ လၧဖံၫဖူၫၥံၪအထီဒံၭဒၪအိၩ ချဲၩ့ဖျိၩ့ဆၧချဲၩ့ ႇ မိဖါ မိဂါ ဖၫထံအထီအခၫ ချဲၩ့ဖျိၩ့ဆၧချဲၩ့လၩ့ၡၩ ထီးအထီဘဲၫယီၩ ၦချဲၩ့ဖျိၩ့ဆၧချဲၩ့လအီၪလၧၩ့ဘၪအကၠီၩ့ ချဲၩ့ဖျိၩ့ဆၧချဲၩ့ထီးထီၩ့ ဖိၭဘိၭ နံၪ့ ၁၉၆၀အကၠီၩ့ ပၥ့ၪယၫဘၪနီၪလီၫႉ

ဖံၫဖူၫၥံၪလၧဖျိၩ့ဖျိၩ့အိၩ အဂံၪ့ဒီၪ့အီၪဝ့ၫ (၃) ဒီၪ့မွဲဝ့ၫ ကဒီၪ့နီၪ လၧထံၫထၪကျိၩ့မွဲဝ့ၫ ႇ လၧခဲၫ့ ကဒီၪ့နီၪ လၧတီၫ့ငူၫမွဲဂ့ၩ လၧခဲၫ့ထုၬကဒီၪ့နီၪ လၧဇ့ၩမဲ လးကျဲၩ့မွဲဂ့ၩ အီၪပျံၩပျၩ့လၩ့အၥၭဂီၩ့ အီၪလၧပခိၩခိၪလီၩ့ဖျိၩ့ၡၩ့လဖၪနီၪ အီၪဂဲၫလၩ့လၧ တီၫငူၫအကၠီၩ့ ဆၧထီးနဲၪ့ထၬဝ့ၫ အဆိၩဆိၩနီၪလီၫႉ ဖျိၩ့ၡၩ့ၥံၪအအီၪလၧပခိၩခိၪလီၩ့ စၭထၪ့လၧ ဂၠပၫ့ပၧၩ့အထီ ဆၧဖီၩ့ဖျ့ၭန့ဂီၩ့ နးဆ့ မွဲဝ့ၫ ၦလၧဘၪထိးထံၫခးဖၧၩ့ ဆၧဒုၭဆၧယၩၥံၪလဖၪနီၪလီၫႉ ခိၪလၩဘွၩဂဲၫပၧၩ့ဆၧအထီဒၪအိၩ ဖျိၩ့ၡၩၥံၪလဖၪ ကဲၪထၪ့ ဎရံၬဆၧဘိၪဆၧဘၩဖိၪၥံၪနီၪလီၫႉ ၦဖီၪ့ထၪ့ဖံၭထၪ့ဆၧအီၪကီၪ့လဖၪ အဆၧခိးဂဲးခိးဘၭအကၠီၩ့ ဖျိၩ့ၥံၪလဖၪ ဂဲၫကဲၪ့ထၪ့ပကိၪ့ၥ့ၪၥံၪ အၪန့ ဒီၩ့ဝိၩၥံၪနီၪလီၫႉ လါနၫ့ အီၪဝ့ၫၥ့ၪချံၪ့ချံၪ့လီၫအကၠီၩ့ မၩအၪ့ဖံၭအၪ့ကၩအဆၧမၩ လၧဆၧမံၫ့ၥုၪ့မံၫ့ၥၭအဖၧၩ့နီၪလီၫႉ ဖံၬဒၩလး ဖျိၩ့ၥံၪလဖၪနီၪ ကဲၪထၪ့ပကိၪ့ၥ့ၪအၪနီၪလီၫႉ ဖျိၩ့အအီၪလၧ ခိၪလီၩ့ခိၪလဖၪၥံၪနီၪ မွဲဂဲၫကဲၪထၪ့ ၥုၭခိၪအဂ့ၩအကၠီၩ့ ဒီၭတၫ စၫ့စံၪဖိၩ လီၩထၬနီၪလီၫႉ