လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪမွဲဝ့ၫဒၪ ကဆါယွၩ အဆၧအဲၪဆၧကွံၩဖၧၩ့ ဆၧမ့ၬမဲ လပၪဘၪ အဂဲးအကၠီၩ့နီၪလီၫႉ ၦၡၩလနၩ့နၩ့နီၪ မၩနီၧၩ့ခၪ့ဖျီၪ ဆၧမ့ၬမဲ လန့ဘၪ အီၪအၪမၬဒ့ၭနီၪလီၫႉ ဆၧလၧ ဆၧမ့ၬမဲနီၪ ကဲၪထၪ့အဖျီၩ့ဘဲၫၥ့ၪလဲၪစွါဘဲၫႇ ပမၩဆၧဘၪမၪနီၪအကၠီၩ့ ပၥၭခံဖၧၩ့ ဆၧမုၬဆၧလၩ အီၪအ့ၬႇ ၥုၪ့အုၭၥၭအုၭ ကဲၪထၪ့နီၪလီၫႉ ပမၩဆၧဘၪမၪနီၪအကၠီၩ့ႇ ဆၧမ့ၬမဲ ကဲၪထၪ့နီၪ မွဲဝ့ၫဒၪအဂ့ၩနီၪလီၫႉ လါနၫ့ႇ ပလကြၨၭ ထုၬဆၧၫ့ဘၪ ဆၧမ့ၬမဲ စၧၩ့ထၬပၧၩနီၪလီၫႉ ဘၪမနီၪလဲၪစွါဘဲၫႇ ကဆါယွၩနီၪ ဂၪ့ခိၪဖိၪၥံၪအဂး မ့ၬမဲ ဆၧနးမံၩ့အ့ၬနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ကဆါယွၩအဆၧအဲၪဆၧကွံၩဖၧၩ့ ဆၧမ့ၬမဲ ပၪနးဆံၭအ့ၬနီၪလီၫႉ ကဆါယွၩနီၪ အဲၪဂၪ့ခိၪဖိၪၥံၪ န့ကိၭကၠၪဒ့ၭနီၪလီၫႉ ဂၪ့ခိၪဖိၪၥံၪနီၪ ၥၭမဲၫ့ကဆါယွၩအ့ၬ မၩဆၧဘၪမၪဂီၩ့ ကဒိၭန့ ဆၧဖျါခွံၬ စကြမၫ့တူၩအဂး ဆၧမ့ၬမဲ အီၪဝ့ၫဒၪနီၪလီၫႉ အၡါမၪနီၪ ပတဲၩ့ဝဲၩ ပဆၧဘၪမၪ လၧဆၧနီၫ့ယါဂီၩ့ ပဒိၭန့ဆၧဖျါခွံၬစကြၫမ့ၫတူၩ စွါဘဲၫႇ ပဆၧအွံၪဆၧယိ ထီးအလူၬ ကဎွံၪထၪ့ထဲၩ့နီၪလီၫႉ လကၭဒ့ၭဘၪႇ ပကန့ထၪ့ဘၪ ကဆါယွၩ အဆၧအဲၪဆၧကွံၩဒဲ အခိးအတၩဂီၩ့ ပနးၥၭအဂး မံၫ့ၥၭမၩမုၬၥၭ ကအီၪဝ့ၫဒၪနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ အ့ၪပမၩဆၧဘၪမၪစွါဘဲၫ ပတဲၩ့ဝဲၩပၥၭ ဂ့ၩဂ့ၩဘၪဘၪလၧ ဆၧနီၫ့ယါဂီၩ့ ပကဒိၭန့ဆၧဖျါခွံၬ စကြမၫ့တူၩစွါဘဲၫ လၧယၫခီၫ ပအီၪၥၭမၧၫ့ ကန့လၧ ကဆါယွၩအဆၧအဲၪဆၧကွံၩနီၪအကၠီၩ့ ၥၫ့ဎွၩဖရၫ့စ့ၭ အဆၧၥီၫ့ဆၧၥၫ့အီၪ ဝ့ၫဒၪ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ