ၦမၩဆံၬဖိၪၥံၪ ဖိၬလိၬထၬ ဆၧလးအနိၪ့လံခီၫဂီၩ့ လဲၩမွံၩထၬဖံၭလၧ ထံၫနီၪ ထံၭလၩ့ဝ့ၫလၧ ဆၧလးအနိၫ့လံခီၫဖၧၩ့နီၪလီၫႉ ဆၧလးအနိၫ့လံခီၫနီၪ ကအီၪဝ့ၫနံၫဖျါဝၩ့လံနိၪ့လီၫႉ ဆၧလးအနိၫ့ လံခီၫ ကဘံၪ့ကဘံၪ့အတၫ့နီၪ ကအီၪဖိၭဘိၭ စူၪထီၩ့ဒူၪလီၫႉ ဂီၩ့ အဝ့ၫၥံၪအဘုၪချံၫနီၪ ဎွံၪလၩ့မၩမၧၫ့ လၫ့ဂုဝ့ၫလၧ ဖိၬလိၬထၬဖံၭ ဆၧလးအနိၫ့လံခီၫဖၧၩ့နီၪလီၫႉ

အထီဘဲၫယီၩ ထီၩ့လၧ ၥ့ၪဘၪပီၩ့ညၫထီ အကၠီၩ့နီၪတၭ ဘုၪမုမွဲဂ့ၩ ဘုၪဖီၫမွဲဂ့ၩ ဘုၪၥၪမွဲဂ့ၩ ကဂ့ၩထၪ့အဂး ၦကိၪ့ဘၪကိၪ့ၥ့ၪၥံၪမၩဝ့ၫၥ့ၪအမံၩ့မံၩ့လီၫႉ ဂီၩ့ဘုၪၥၪၡါထၪ့ မံၫ့ထၪ့ဘၪ ကူၭအခံၫ့ ဘၪနီၪတၭ  ၦမၩဆံၬဖိၪၥံၪ ဘၪကူၭဘုၪကဘျၩ့ဒီၭလီၫႉ ကနၩ့နၩ့ ဘိၩ့ယီၩ ဘုၪၥၪအၥံၪ့နီၪ ကူၭဝ့ၫဂီၩ့ မၩလၩ့ဎွံၫဝ့ၫလၧစဲၬနီၪလီၫႉ

လၧခီၩ့ခီၩ့အိၩ ဘုၪနီၪ ကူၭဝ့ၫဂီၩ့  ထံၭလၩ့ဝ့ၫလၧခရဲးဖၧၩ့လီၫႉ ဂီၩ့အၪ့မၧၫ့ ဆၧမံၩ့ခ့ၬခိၬ ယဲးလၩ့ဎွံၪဝ့ၫလီၫႉ ၦကိၭဝ့ၫလၧ ပျၧၩ့ခရဲးလီၫႉ ပျၧၩ့ဝ့ၫလၧ ဆၧမံၩ့လီၫႉ ဘဲၫယီၩ ကနၩ့နၩ့ ပဒၪဘၪ မၩလၩ့ဎွံၪဝ့ၫလၧ စဲၬလီၫႉ မၩလၩ့ဎွံၪဝ့ၫဂီၩ့ အၪ့လိၫလၩ့ထဲၩ့ မၩဎဲၫ့ဝ့ၫလၧ မုမ့ၬဆၧခိနီၪလီၫႉ