ယ့ၫၡှုၬအီၪလၧၦဖၫရစံၫစစဲမၧၫ့အဂံၪ့.
တၭၦဖၫရစံၫလဂၩ ကိၭယ့ၫၡုၬဘဲၫၥိၭအမိအၪ့ဆၧလၧအၥိၭလီၫ. အဝ့ၫဒၪလ့ၩနုၬ လၧၦဖၫရစံၫအဂံၪ့ ဖၧၩ့တၭ, ဆၧၫ့နၩ့ဒံၩ့ခံၫ့ဝ့ၫလၧစပွဲထံၭနီၪလီၫ.
ယိခွါ,ၦဆၧဒဲၩဘၭဖိၪၦမုၪအီၪလၧဒိၩ့ဖၧၩ့လဂၩနီၪ, ၥ့ၪယၫလၧအဆၧၫ့နၩ့ဒံၩ့ခံၫ့လၧ စပွဲထံၭလၧၦဖၫရစံၫအဂံၪ့ဖၧၩ့တၭ, ဂဲၫဆိၬကီၩ့လိးဘွၩလဖျိၪ့ အီၪလၧဆၧနၧၫ့မၧၫ့တၭ, ဆၧၫ့ထုၪ့ဝ့ၫလၧအခၪ့ထံၭ လၧအချိၫ့လခီၫတၭ,ဂၪ့ဝ့ၫ,- ၥူၫဝၭခွံၬအဝ့ၫအခၪ့လၧအမ့ၬထံၫတၭ,ထူၭခွံၬဝ့ၫလၧအခိၪၥူၪတၭ, အဲၪဂါအခၪ့တၭ,ဂုၪဝ့ၫလၧဆၧနၧၫ့မၧၫ့လီၫ.
ၦဖၫရစံၫလၧအကိၭဝ့ၫလဂၩနီၪဒၪဘၪဝ့ၫတၭ, စံၭဆၧလၧအၥၭခံဖၧၩ့, အဝ့ၫလဂၩယီၩ, အ့ၪမွဲမီၪနီၪ, ၦမုၪလၧအထိၭဘၪဝ့ၫလဂၩယီၩ, မွဲၦဘဲၫၥ့ၪလဲၪဘဲၫၥ့ၪလဲၪနီၪ, မိၥ့ၪယၫဝ့ၫလီၫ. အဂဲးဘဲၫယီၩမွဲၦဆၧဒဲၩဘၭဖိၪလီၫ. …