ၦအၪ့ဖီၪ့ဆၧနီၪ အီၩထံၫ၅ခွၭနီၪဂီၩ့အခၫ လီၩနးဎွၩမုၪ လၧကမိမံၫဎုၬနးဎွၩမုၪ

ဘဲၫနီၪအခၫ နးဎွၩမုၪနီၪ အၪ့စၪ့အဝ့ၫ ထံၫခွၭလၧနအီၩ မိနိၪအိၩလဖၪနီၪ ထခွၭခွၭနီၪအွံၪနၬလဲၪအခၫ ၦအၪ့ဖီၪ့ဆၧ နီၪ စံၭဆၧၫ့ထဲၩ့ ထံၫမီၪ့ဎီၩ့လီၫအကၠီၩ့ အွံၪနၬဘဲၫနီၪ ကအီၪဧၪအဂဲးနီၪလီၫႉ နးဎွၩမုၪဆ့ စံၭထဲၩ့အဝ့ၫ

       မွဲလီၫ ထံၫခွၭလဖၪယီၩ လမီၪ့ဎီၩ့ဘၪလိၬၥၭလါနၫ့ ထံၫနီၪဘိၭမီၪ့ဎီၩ့လိၬၥၭလီၫႉ ဘဲၫနီၪအၥိၭ ၦမုၪလဖၪနးဆ့ ကဂၩဒဲကဂၩ အမ့ၬဎံၪယၪဘွၩလမီၪ့ဎီၩ့ဘၪလိၬၥၭလါနၫ့ ၦမုၪမီၪ့ဎီၩ့လီၫႉ နမၫဆ့ မွဲၦမုၪ ယၧၩဆ့မွဲပမုၪ ပမီၪ့ဎီၩ့လိၬ ၥၭလီၫႉ လါနၫ့ဘဲၫယီၩ နမိမံၫဎုၬလၧယၧၩႉ အ့ၪမွဲနမံၫဎုၬလၧယၧၩဂီၩ့ကကၠၪ နၧၩမွဲနဆၧဒဲၩဘၭကထၪ့ ယၧၩမွဲ ယဆၧ ဒဲၩဘၭကထၪ့ လကၭဘၪ ပဆၧမၪအဂး ပကဘၪထဲၩ့ထိးထဲၩ့လၧရၬဖၧၩ့နီၪ နၥၭမဲၪအ့ၬဧၪႉ နးဎွၩမုၪယီၩ အၪ့စၪ့ အဝ့ၫဘဲၫနီၪအခၫ အဝ့ၫယီၩန့ထဲၩ့ဆၧနီၪ့ယါဂီၩ့ ယၥၭခတၨၭအကၠီၩ့ ယကၠူၭၥုၪ့ကၠူၭၥၭလချုၭဘၪနီၪ ဖျါခွံၬယၧၩ လါဆံၭႉ စၭထၪ့လၧမုကနံၩယီၩ ယကမိစဲၪ့လၫ့ ယဆၧမၩယီၩဂီၩ့ ယကမိလ့ၩနုၬလၩ့ လၧၥၫထနၫဖၧၩ့လီၫႉ ဆၧနီၪ အကၠီၩ့ ဖျါလ့ၩယၧၩလါဆံၭႉ  အၪ့ယၫနးဎွၩမုၪဘဲၫနီၪအကၠီၩ့ နးဎွၩမုၪဖျါလ့ၩခွံၬအဝ့ၫနီၪလီၫႉ

ပယိထၪ့ၡါဖိၪယီၩဂီၩ့ကကၠၪ ပမိအဲၪဘိၩ့ဝၩအဲၪဘိၩ့မၫနီၪမွဲယူၭႉ ၦခွၫနီၪမွဲဒၪၦခွၫ ၦမုၪနီၪမွဲဒၪၦမုၪ ဆၧလၩ့ ဆၫ့လၩ့မဲၩအီၪနးမံၩ့အ့ၬႉ ဆၧမီၪ့ဎီၩ့မီၪ့လ့ၩလီၫႉ အ့ၪမွဲပကလီၩ့ၦမုၪၦမၧၩ့စွါဘဲၫ အီၪဒၪဆၧဆၫကအၪ့ၥံၫပၧၩႇ ပထီး ကလူၬဂီၩ့ႇ ပမံၩ့ကဎိၪဎါႇ ပခီၫ့ၡၩကဂၭဂီၩ့ခွံၬ ႇ ပကဘၪထံၭဘၪနဲၪ့လိၬၥၭလၧပမၫပဝၩႇ လၧခဲၫ့ထုၬ ပကလၩ့ဖၭကၠၭ လိၬၥၭႇ ပဖိၪပဒံၪလဖၪ ကဘၪအီၪလၩ့ဖၭကၠၭမိဖါ လၧၡၩခရၧၫ့ဖၧၩ့ အဝ့ၫၥံၪ အမ့ၬအနၪကဘၪဆံၭႉ ၦၡၩကစီၪ ဆံၭအဝ့ၫၥံၪႉ ပအဲၪဘိၩ့ဆၧကမံၩ့နီၪ  လၧပဂးဆၧအဂ့ၩအီၪမန့လဲၪႉ

ၦၡၩအဝၩလၧပဝၩ ၦၡၩအမၫလၧပမၫနီၪ ဆၧမီၪ့ဎီၩ့လိၬၥၭလီၫႉ ၦၡၩအဝၩ အမၫနီၪ လၩ့ဆၫ့လၩ့မဲၩအၪန့ ပမၫပဝၩယီၩန့အ့ၬနီၪဘိၭ ပကဘၪၥ့ၪယၫထၬကၠၭဂီၩ့တၭ ပကဘၪကျ့ၭစၨၭ ထုၪ့လၩ့ကၠၭပၥၭကလိၫဝ့ၫအဂဲးနီၪ ဘိၭ မုကနံၩယီၩ ယရၩလၩ့စိၩအ့ၪဘၪနၥံၪလၧၡါဖိၪကယွ့ယီၩနီၪလီၫႉ