လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪမွဲဝ့ၫဒၪ ဆၧကၪဆၧဂဲၩအကျၩ ပကဘၪ ဒိၭနဲၩ့ ဆါယွၩ လိၪဝ့ၫဒၪ အဂဲးအကၠီၩ့နီၪလီၫႉ ကဆါဎရံၬနီၪ ဖ့ၪအ့ၪပၧၩ ဆၧကၪဆၧဂဲၩ ကမံၩ့လမွဲဘၪ ကမံၩ့နီၪလီၫႉ လါနၫ့ႇ ပထိးဆၧၫ့ကန့အဂးနီၪ ဖ့ၪအ့ၪထဲၩ့ပၧၩ ဂဲးဘၭဒဲ အၥွံၪဒူၩနီၪလီၫႉ ပကဘၪ ၥ့ၪယၫထၬ အရ့ၩဎိၩ့ထုၬကမံၩ့နီၪ ကဆါယွၩဖ့ၪအ့ၪပၧၩ ဆၧကၪဆၧဂဲၩ အၪဒၪဆၧ ခွံၬၡိၭထးပၧၩလၧ ဆၧကၪဆၧဂဲၩဖၧၩ့ နးဆံၭအ့ၬနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ လၧခဲၫ့ကမံၩ့နီၪ ပဆၧၥၭမၧၫ့ဖၧၩ့ ဆၧအွံၪဆၧယိၭအီၪ စွါဘဲၫႇ ဆၧအနီၥံၪ ကဎွံၪလၫ့အဂး ပလ့ၩလီၩဖျီၪထၪ့ ၥ့ၪဝ့ၫဒၪလၧ ထၧၫ့ထံၩထၧၫ့ၥိၭ အီၪနီၪလီၫႉ ဆၧအဖျီၩ့ယီၩနီၪ ဂ့ၩဒိၪအၪမၬဒ့ၭ နီၪလီၫႉ လါနၫ့ ဆၧအဖျီၩ့ အဂ့ၩထုၬကမံၩ့နီၪ ကြၨၭပလ့ၩ လီၩဖျီၪထၪ့လၧ ကဆါဎရံၬအီၪနီၪလီၫႉ ပထံၩပၥိၭနီၪ မၩမုၬပၥၭ ကန့ဘဲၫၥိၭ ကဆါဎရံၬဧၫနီၪ ပကဘၪဆီၫ့မီၪ့နီၪလီၫႉ ပလီၩဖျီၪထၪ့ ပဆၧကၪဆၧဂဲၩလၧ ၦဂူၫဂၩအီၪနီၪ ပကဘၪမၩ လိၪဝ့ၫဒၪအဖျီၩ့ကမံၩ့ႇ ပကဘၪ လီၩဖျီၪထၪ့လၧ ကဆါဎရံၬအီၪအဂး ကြၨၭပလၥၭနၫ့ဘၪနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ပဒၪဆၧၫ့ယၫ ဆၧကၪဆၧဂဲၩအခံၫ့နီၪ လ့ၩလီၩဖျီၪထၪ့လၧ ကဆါဎရံၬအီၪႇ ပၥၭခံဖၧၩ့ ဆၧကၪဆၧဂဲၩအီၪအခံၫ့ မၩဆၧဘၩဆိၪဖၪႇ ဖီလံၬဆံၫ့ဎံၪ အ့ၪပမၩဆၧအယီၩနီၪ ပကန့ထၪ့ဘၪ ဆၧၡူၪဆၧမုၬဒဲ ဆၧအွံၪဆၧယိၭ ထီးအလူၬ ကဎွံၪထၪ့ထဲၩ့နီၪအကၠီၩ့ ၥၫ့ဎွၩဖရၫ့စ့ၭ အဆၧၥီၫ့ဆၧၥၫ့အီၪ ဝ့ၫဒၪ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ