ဂံၪ့ဒီၪ့အခိၪအနါဝၩလဂၩကဘၪမၩအမူၩဒၩနီၪ မွဲဝ့ၫဒၪလၧဆၧအဂဲး ( ၈ ) ထုၪယီၩနီၪလီၫႉ  ဂံၪ့ဒီၪခိၪနါဝၩလဖၪနီၪ အ့ၪမၩဆၧမၩအခၪ ကဘၪမၩဝ့ၫဂုးဂုးခၧၫ့ခၧၫ့နီၪလီၫႉ  ကဘၪၥ့ၪယၪနၪၥ့ၪ မၩဆိၫ့မၩပျီၩဆၧနီၪလီၫႉ  အဝ့ၫအဂံၪ့ဒီၪ့အဂး ကဘၪဖ့ၪလၫ့အ့ၪဝ့ၫအခံၪ့နီၪလီၫႉ  အီၩ့ၥံၭထံၫဂၬထံၫဘၪလဂ့ၩမၩဆၧအၪ့ထၩဆၧဘၪလဂ့ၩဆၧမုၬဆၧလၩနီၪ အ့ၪပဂၭဎ့ၭန့လဖၪနီၪ ပကဘၪဂၭဎ့ၭလီၫႉ  အခံၪ့အ့ၪန့စွါဘဲၫဖ့ၪလၫ့ဘၪဖိၪမုၪဖိၪခွၫၥ့ၪၥုၪ့လၧၩ့ၥၭလၧၩ့ဂီၩ့ၥီၪ့ချဲၩ့ဖိၪဖိၪခွၫၥ့ၪနီၪလီၫႉ  ပကဘၪယူၭယၪ့ ပမၫနီၪလီၫႉ အ့ၪပယူၭယၪ့ပမၫမၬ ၦဂူၪဂၩကယူၭယၪ့ပမၫနီၪလီၫႉ  အ့ၪပမၩဆၧမၩ လမုၭဘၪအခံၪ့ ဆၧမၩဂဲးဆၪ့လၩ့အကၠီၩ့ ထဲၩ့ဖီးဖၭဘၪလၧဂံၪ့လဂ့ၩႉ  ပချဲၩ့လၧပမၫအခၪ ချဲၩ့ဘၪဆၧချဲၩ့အအၧၩ့အၥၫ့လဂ့ၩႉ မၩနၧၩ့မၩဆၪဘၪပမၪလဂ့ၩႉ  ဂံၪ့ဒီၪအခိၪအနါဝၩလဂၩနီၪ မွဲဝ့ၫဒၪလၧ အမၫအဂးအဂဲးအဘၭ အဖိၪမုၪဖိၪခွၫအဂးကဘၪကဲၪ နဲၪဆၧအဒီၩ့အဂ့ၩလဂၩနီၪလီၫႉ