ၦလၧအမ့ၬဎံၪနီၪနကဒၪဘၪလီၫ လါနၫ့ၫ့ဂ့ၩ အဝ့ၫအခိၪနူၬအဖၧၩ့နီၪ လၧၫ့ဎွ့ၩလၧနၧၩကဂၩဎးနီၪလန့ဘၪဂီၩ့ အမ့ၬအၪၥ့ၪနီၪလီၫႉ

ၦလၧကဲၪဒိၪကဲၪမုနီၪနကဒၪဘၪနီၪလီၫ လါနၫ့ၫ့ဂ့ၩ အဝ့ၫနီၪ မကဖ့ၪလၫ့နၧၩ ဆၧယူၭယၪ့ဧၪႉ

ၦလၧခိးဂဲးခိးဘၭ မၩဆၧမၩနီၪနကဒၪဘၪနီၪလီၫ လါနၫ့ၫ့ဂ့ၩ အဝ့ၫနီၪ နဂးဖ့ၪလၫ့အခံၫ့လန့ဘၪနီၪလီၫႉ

ၦလၧဆၧကိၪ့ဘၪကိၪ့ၥ့ၪအီၪဝၩလဂၩနီၪနကဒၪဘၪနီၪလီၫႉ လါနၫ့ၫ့ဂ့ၩ အဝ့ၫနီၪ ဆီၫ့မီၪ့လၩ့ဘၪအၥၭ မၩဆၧလဖၪနီၪ ဆၧဘၪမၪအီၪအ့ၪ အဝ့ၫမၩလဖၪနီၪ ဆၧအဂ့ၩလီၫႉ ဆၧနီၪအကၠီၩ့ ကနၩ့နၩ့ၦၡၩလၧ ဆၧကိၪ့ဘၪကိၪ့ၥ့ၪအီၪလဖၪနီၪ ဆၧၥ့ၪယၫနၪၥ့ၪအီၪအ့ၬ စိၪဎိၩလၩ့ဘၪအၥၭအၪမၬနီၪလီၫႉ ကနၩ့နၩ့ၦၡၩလဖၪနီၪ ဆၧကိၪ့ဘၪကိၪ့ၥ့ၪအီၪအ့ၬ လါနၫ့ဂ့ၩ ဆၧၥ့ၪယၫနၪၥ့ၪအီၪအၪမၬနီၪလီၫႉ ၦမုၪမွဲဂ့ၩ ၦခွၫမွဲဂ့ၩ ဘဲၫၥိၭပကဒၪဘၪ ပကန့ဘၪ ပမၫႇပဝၩအဂ့ၩကဂၩကန့အဂးနီၪကၪဝ့ၫအၪမၬနီၪလီၫႉ