အ့ၪမွဲထိးဒိၪထးအၥၭလန့ဘၪနီၪ ကဲၪထၪ့ဆၧဖၧၩ့အဂ့ၩကဖျိၪ့မွဲကန့အ့ၬႉ အ့ၪထိးဆၧဒၨၭလၩ့လန့ဘၪနီၪ ကဲၪထၪ့ မနံၬဘွၩကဖျိၪ့လန့ဘၪနီၪလီၫႉ ဘဲၫပကကဲၪထၪ့ ၦဂဲးဆီၪ့လဂၩအဂး ပကဘၪဒၪဆၧၫ့ယၫလၧ ဆၧကၪဆၧဂဲၩလနၩ့နၩ့ နီၪလီၫႉ ဘဲၫပကကဲၪထၪ့ ၦလၧအထိးဆၧၫ့ဆၧန့ဝ့ၫလဂၩအဂး ပကဘၪမၩပျၩ့ခွံၬ ဆၧကၪဆၧဂဲၩလဖၪကဘၪၥ့ၪနီၪလီၫႉ ဘဲၫပကကဲၪထၪ့ ၦအမၩနၧၩ့ခၫ့ဖျီၫ့ဆၧလဂၩအဂး ပကဘၪဒၪဆၧၫ့ယၫလၧဆၧအစၪကနၩ့နီၪလီၫႉ
လၧဆၧၥၭမၧၫ့အဖၧၩ့ ၦလၧအၥၭဆါလဖၪနီၪ မွဲဘၪစၪ၂ကၠၪ ၥ့ၪနီၪလီၫႉ ၦလၧအၥုၭထဲၩ့အလးခဲၫ့လဂၩနီၪ မွဲကစၪ ဝ့ၫဒၪ အဘျၩ့ဘျၩ့နီၪလီၫႉ ၦလၧအထိးစၪအၥၭလဂၩနီၪ မွဲကစၪဝ့ၫဒၪ အၥၭထၧၫ့ဘီၩ့ယၫနီၪလီၫႉ အ့ၪမွဲပကစီၪဆီၫ့မီၪ့ထၬ ဆၧအယီၩ မွဲကကဲၪၥ့ၪအ့ၬဘဲၫနီၪစွါဘဲၫ ပကယဲၩ့ထၪ့လၧကကဲၪထၪ့ဝ့ၫဒၪလဖၪနီၪလီၫႉ
ဆၧနီၪအကၠီၩ့တခၩကမွဲဆၧနးမံၩ့ ထီးၥုၪ့ၥၭလၩ့ဆါဘၪလဂ့ၩႉ ထိးစၪခွံၬနၥၭလဂ့ၩ ဖျါလၩ့ခွံၬလဂ့ၩ ထဲၩ့ကျ့ၭစၨၭထၪ့ ထၧၫ့လၩ့ထံးလၩ့ဆ့ၭလါဆံၭႉ အ့ၪမွဲနကထဲၩ့ကျ့ၭစၨၭဘဲၫနီၪစွါဘဲၫ ကနံၩကကၠၪ ဆၧမၩနၧၫ့ခၫ့ဖျီၫ့နီၪ မွဲကကဲၪထၪ့ဒၪလၧ နဂးနီၪလီၫႉ