၁ႉ ၦလၧကကဲၪခိၪနါကဂၩနီၪ အဆိၪထုၬ Self leadership လ့ၩခိၪလ့ၩနါလၩ့ၥၭကဘၪန့
၂ႉ Team Leadership ကဘၪလ့ၩခိၪလ့ၩနါၦၡၩကဘၪန့
၃ႉ Orgnizational Leadership ခရၧၫ့ထၧၫ့ဒီၪ့ယၫ ထံၪခးထၧၫ့ဘံၪ့ယၪနီၪ လ့ၩခိၪလ့ၩနါဝ့ၫကဘၪန့
အဆိၪထုၬအဆၫ့ ၁. ပကဘၪကဲၪထၪ့ခိၪနါလၧလးလၩအီၪဝ့ၫဒၪလဂၩနီၪလီၫႉ ဘၪန့လဲၪ အ့ၪမွဲပကကဲၪထၪ့ ခိၪနါစွါဘဲၫ ပလးလၩအီၪမၬ မွဲၦၡၩကခိၭနၪပၧၩအကၠီၩ့နီၪလီၫႉ အဝ့ၫၥံၪယီၩနီၪမွဲလအဲၪပၧၩအကၠီၩ့ ခိၭနၪပၧၩလမွဲဘၪနီၪလီၫႉ
နံၫဆၫ့လဆၫ့နီၪဘိၭ ပကဘၪကဲၪထၪ့ခိၪနါလၧၦၡၩအဲၪကွံၩဝ့ၫဒၪလဂၩနီၪလီၫႉ ခိၪနါဘဲၫယီၩၥိၭလဖၪနီၪ မွဲယိထဲၩ့ခွါ ထဲၩ့အထံၩအဖျဲလဖၪႇ ခိၭနၪအ့ၪအထံၩအဖျဲလဖၪဒဲ မၩလိၪဆၧအထုၬလအီၪဘၪနီၪလီၫႉ ၦအအီၪလၧအဝ့ၫအခရၧၫ့ဖၧၩ့ လဖၪနီၪ ဂဲၫယူၭယၪ့ထၪ့အဝ့ၫယူၭႇ ဂဲၫအီၪက့ၪဒိၪလၫ့အဝ့ၫယူၭႉ အ့ၪမွဲပကကဲၪထၪ့ခိၪနါဘဲၫယီၩၥိၭနီၪ ၦအဆံၭန့ပၧၩလဖၪ ယီၩ လမွဲလၧၩ့ဘၪလၧမူၩဒၩကမံၩ့လီၫဒဲ မွဲလၧအဲၪကွံၩပၧၩဆ့အကၠီၩ့ မိအီၪပအီၪ ပမၩဆၧမၩလၧပစူၪဖၧၩ့ ဒဲ မိခိၭနၪပၧၩနီၪလီၫႉ
ပကဲၪထၪ့ခိၪနါဘဲၫယီၩၥိၭလါနၫ့ မွဲလန့ဒံၭဘၪလီၫ ဘဲၫၥိၭပခရၧၫ့ယီၩကလ့ၩထၪ့လ့ၩထီၫ ကမၩန့ဆၧမၩနၧၩ့ခၫ့ဖျီၫ့ အဂးလိၪဝ့ၫဒၪဒံၭနီၪလီၫႉ
ဆၧနီၪအကၠီၩ့ လခဲၫ့၃မံၩ့ကမံၩ့နီၪ ပကဘၪကဲၪထၪ့ခိၪနါလၧအဂဲၫဆိၬန့ဆၧမၩနၧၩ့ခၫ့ဖျီၫ့လဂၩနီၪလီၫႉ လါနၫ့ခိၪနါ လဖၪဂၬဎ့ၬလန့ဘၪဆၧအီၪကမံၩ့နီၪလီၫႉ အနီၪမွဲလၧ ဆၧကၪဆၧဂဲၩလဖၪနီၪလီၫႉ အ့ၪမွဲပခၫ့ဖျီၫ့ဆၧကၪဆၧဂဲၩလဖၪယီၩန့မၬ ပဂဲၫဆိၬန့ဆၧမၩနၧၩ့ခၫ့ဖျီၫ့လဖၪကန့နီၪလီၫႉ လကၭဘၪ ဘဲၫပခရၧၫ့ယီၩကကဲၪထၪ့ခရၧၫ့လၧအဂ့ၩထုၬအဂးနီၪ ပကဘၪအၪ့ လူထဲၩ့ခိၪနါဘဲၫပၧၩလဖၪနီၪလီၫႉ
လခဲၫ့လံမံၩ့ကမံၩ့နီၪ ပကဘၪကဲၪထၪ့ခိၪနါလၧအမၩအီၪဖျီၪထၪ့ ခိၪနါအဂ့ၩအဘွၩလဖၪနီၪလီၫႉ ပကဘၪကၠူၭ ထၪ့ပထံၩပဖျဲလဖၪလၧဆၧဖၫ့ခိၪနီၪလီၫႉ အ့ၪပမၩထၪ့ဘဲၫယီၩၥိၭန့ယူၭစွါဘဲၫ လခဲၫ့ထုၬနီၪ ပကဘၪကဲၪထၪ့ထဲၩ့ ခိၪနါ အထီၫ ထုၬကဂၩနီၪလီၫႉ အ့ၪမွဲပကဲၪထၪ့ ခိၪနါဘဲၫယီၩၥိၭယူၭနီၪ ပထံၩပဖျဲၥံၪလဖၪ ၥ့ၪယၫထၪ့ ပဂဲၫထဲၩ့ ခိးဂဲးခိးဘၭထၬဆၧအဂဲး ပဂဲၫထဲၩ့ထိးဆၫထၬပၥၭဘဲၫၥ့ၪလဲၪအဂဲးယူၭတၭ အဝ့ၫၥံၪယီၩ မွဲအဲၪကွံၩပၧၩ ယူၭယၪ့ပၧၩ ဒဲ အီၪက့ၪဒိၪပၧၩ ဂ့ၩဂ့ၩဘၪဘၪ ယူၭနီၪလီၫႉ လါနၫ့ဘဲၫပကကဲၪထၪ့ခိၪနါဘဲၫယီၩၥိၭလဂၩနီၪ ပကဘၪဖ့ၪလၫ့အခံၫ့အၪအၪနီၪလီၫႉ နၧၩယီၩအ့ၪမွဲနကဲၪထၪ့ခိၪ နါကဂၩယူၭစွါဘဲၫ နထီၩ့ဝ့ၫဒၪလၧအဆၫ့ဘဲၫၥ့ၪလဲၪယူၭလဲၪ?
Credit > Myanmar Excellence institute CEO