ဆၧအဲၪဆၧကွံၩနီၪ ကမၩလၩ့မါခွံၬ ဆၧၥၭမဲၪၥၭဖျဲၩ့လဖၪအဂး ဖ့ၪလၫ့ပၧၩ ဂဲးဘၭန့နီၪလီၫႉ နၧၩယီၩ အ့ၪမွဲနအဲၪဘၪၦၡၩ လၧဆၧအဲၪဆၧကွံၩတၡါအဖၧၩ့စွါဘဲၫ နကဘၪထိးဆၫနၥၭအဂး နၥၭမဲၪအ့ၬႉ အဝ့ၫအဂးနကဘၪဖ့ၪဆၧၫ့လၩ့နၥၭဆ့ မွဲနကၥၭမဲၪအ့ၬႉ အဝ့ၫအဂး နကဘၪထိးနိၫ့ ထိးနၭဆ့ မွဲနကၥၭမဲၪအ့ၬႉ နကဘၪထိးလူၬနအခံၫ့လဖၪဆ့ မွဲနကၥၭမဲၪလၧၩ့ဧၪအ့ၬႉ
ပအဲၪဝ့ၫဒၪၦလဂၩအဂး ပကဘၪထိးဆၫပၥၭႇ ပကဘၪထိးနိၫ့ထိးနၭၥၭအဂး ၦလၧအၥၭ မဲၪဆၧနီၪ ၥုၪ့ထၪ့ဂံၪ့ဒီၪ့အမုၬအၡူၪလန့ဘၪနီၪလီၫႉ ဘၪန့လဲၪ အဝ့ၫအီၪနီၪ ဆၧအဲၪဆၧကွံၩတ ၡါလအီၪဘၪအကၠီၩ့နီၪလီၫႉ ဆၧအဲၪဆၧကွံၩတၡါ အီၪဝ့ၫဒၪၦလဖၪနီၪ အဝ့ၫၥံၪအဲၪဘၪ ၦလဂၩ အဂး အီၪက့ၪထးခွံၬဆၧလဖၪန့ထီးလူၬနီၪလီၫႉ ဆၧထယီၩယအဲၪဒိၭလီၩၥ့ၪယၫအ့ၪဘၪနၥံၪ စဎွၩ အဲဒွဲအဂဲး ကဆံၭကခ့ၭနီၪလီၫႉ
စဎွၩအဲဒွဲယီၩနီၪ အဲၪဘၪလိၬၥၭလၧ ၦမုၪမဲၫ(-)အၡၪ့ၡၪ့ယၬယၬဖိၪကဂၩနီၪလီၫႉ ဆၧလၧ ပဎွၩကမံၩ့နီၪ အီၪဎုၬလၧၦၡၩယိၩယိၩဖိၪလန့ဘၪနီၪလီၫႉ အ့ၪမွဲအဝ့ၫယီၩ ကအီၪဎုၬလၧ ၦမုၪမဲၫယီၩ စွါဘဲၫကဘၪခွံၬလၩ့ခွံၬ စဎွၩအလးအလၩလဖၪ ထီးလူၬနီၪလီၫႉ စဎွၩအဲဒွဲယီၩ ဘၪရွံထၪ့ အဝ့ၫ အနီးဒဲ ၦမုၪမဲၫနီၪအခၫ အဝ့ၫယီၩလရွံထၪ့ဘၪစဎွၩအနီးဒဲ ရွံထၪ့ဒၪမွဲ အဆၧအဲၪၦမုၪမဲၫနီၪလီၫႉ အဝ့ၫယီၩ ခွံၬၡိၭခွံၬစဎွၩလဂၩအလးအလၩဒဲ အနီးန့ဝၫဒၪနီၪ ဘၪန့လဲၪ လၧအဝ့ၫအီၪနီၪ ဆၧအဲၪ ဆၧကွံၩတၡါၡါအီၪဝ့ၫဒၪအကၠီၩ့နီၪလီၫႉ
ဆၧနီၪအကၠီၩ့ ပကဲၪထၧၫ့မၫဝၩလဖၪဆ့ ဘဲၫစဎွၩအဲဒွဲယီၩအၥိၭ ပဆၧအဲၪအဂး ပဖ့ၪလၫ့ လၩ့ၥၭဘၧၫ့ဝ့ၫ ကိၭမံၩ့ဒ့ၭ ၥၭ နီၪ ပကဘၪအၪ့လုထၬဝ့ၫနီၪလီၫႉ ဆၧအဲၪဆၧကွံၩတၡါၡါနီၪ ဖျီၪလၩ့ အၪ့အူၭနၭမၬဒ့ၭမွဲအ့ၬဧၪႉ