လၧ ၂၀၂၁ နံၪ့ လၩဖ့ၫဖီၫဝၫရံၫ ၂၈ ၥၫ့အထီအိၩ လၧမၠ့ၬကၠံၩနၩဝံးဒီၪ့ အီၪနၩ့လးဝၩ့ မလံဂံၪ့ဒဲၪ့ ဆၧဆၫဒူၭအမ့ၭယၫ ပယၩ့ၥုၭဖိၪလဖၪဒဲဒူၩယၫ့ဖိၪလဖၪနီၪ လီၩ့ဖီၪ့ၦလၫအလ့ၩထုၬဖျီၪထၪ့ဆၧၥၭလုၦခမျၨးလဖၪနီၪလီၫႉ
ဆၧနီၪအကၠီၩ့ ၦခမျၨးကအီၪဖိၭဘိၭအဂၩ ၁၀၀ နီၪလ့ၩနုၬလၩ့အီၪၥူၫအၥၭလၧ မလံဂံၪ့ဒဲၪ့ ဆၧ ဆၫဂံၪ့နီၪလီၫႉ ၦဒူၩဖိၪလဖၪဒဲ ၥုၭဖိၪလဖၪနီၪ ကလ့ၩနုၬလၩ့ဖီၪ့ၦခမျၨးလဖၪလၧ ဆၧဆၫဒုၭဖၧၩ့နီၪအထီ ၦလၧအမူၩဒၩလၩ့လၧဆဆၫဒူၭနီၪအဖၧၩ့မွဲဝ့ၫ စံၫ့ဖရၫ့စံဇ့ၩဘံၩယဲၩ စံၫစတၫရိၭနီၪ လ့ၩစဲၪ့လၫ့ လၧခီၫ ဂီၩ့ လၧမ့ၬထံၫမ့ၫနီၫ့အဖၧၩ့ထၧၩ့ဖီၪ့ဘၪၦခမျၨးလဖၪလဂ့ၩ ထၧၩ့မၩခိမၩဝီၩဘၪ ၦခမျၨးလဖၪနးမံၩ့ လဂ့ၩအဂး ထွံၩလၩ့အခၪ့ဒဲ အၪ့ကံၩ့အၪ့ယၫထၪ့ဘၪ ၥုၭဖိၪလဖၪဒဲ ၦဒူၩဖိၪလဖၪနီၪလီၫႉ
ဆၧနီၪအကၠီၩ့ မုကနံၩယီၩ လၩ မါထၪ့ (၁) ၥၫ့လဂီၩနီၪ မၠ့ၬကၠံၩနၩ ကဲၬၥလံၬဆၧအီၪကီၪ့ၥၫ့ခိၪဒိၪ ဖရၫ့စံၭဒီၭတၫ့နီၪလုထၪ့ဘၪမံဆၩဆၧလုထၪ့ဆံၫ့ဎံၪဂီၩ့ လ့ၩဖ့ၪလၩဖ့ၪဖၩ့ဘၪ စံၫစတၫရိၭအဂဲး ဆၧ ပရၧၫ့ယီၩပန့ဘၪလၧအၫရဘံၫအ့ၪကခၠၫ့ဆၧဎိၭထံၪဎိၭဒီၪဖၧၩ့နီၪလီၫႉ