မုအီၪပွံၭနံၩကနံၩယီၩ လၧဆၧၥၭထိၬပရၧၫ့ဖၧၩ့ပနါဂၧၫ့ဘၪ ယ့ၫၡုၬၥီၫ့ထဲၩ့ၥၫ့ထဲၩ့ ၦခမျၧး ဘၪထွ့ၫလၧ ဆၧၥံၫဒဲဆၧနီၫ့ယါလၩ့ၥၭအဂဲးလီၫႉ
ယ့ၫၡူၬၥီၫ့ထဲၩ့ၥၫ့ထဲၩ့ဆၧယီၩ ခၫ့ဖျီၫ့ လၧဆၧမၩၥၭနံၫမံၩ့အဂဲး ဒဲ ဆၧချဲၩ့ဒီၩ့လၩ့လမံၩ့အဂဲးလီၫႉ
ဆၧမၩအၥၭအဆိၫထုၬကမံၩ့ယီၩ မွဲဝ့ၫၦဂၫလလံၫဖိၪၥံၪ ဘၪထိးမၩၥံၫ လၧစပဲလၭလီၫႉ ဆၧဆၧနီၪအကၠီၩ့ ၦခမျၧးဆီၫ့မီၪ့ဝ့ၪလၧ ၦဂၫလလံၫဖိၪလၧအဘၪထိမၩၥံၫလဖၪ အဆၧဒဲၩဘၭဖိၪအၧၩ့နဲၪဒံၭ ၦဂၫလလံၫဖိၪအဂူၫဂၩလဖၪဒံၭလီၫႉ
နံၫမံၩ့လမံၩ့ ၦလၧတဲၩခိၭဆၧစံလိၫအၫ့လၩ့ဎီး လၧအဖၫ့ခိၪတၭ ဘၪၥံၫၦၡၩကဆံၫဎိၭဂၩယီၩ မွဲၦဆၧဒဲၩဘၭဖိၪအၧၩ့နဲၪ ၦအီၪလၧယရုစလံၫ့အဖၧၩ့ထီးလူၬဒံၭဧၪႉ
ယလီၩဘၪနၥံၪမွဲအ့ၬ.မွဲလါနၫ့ဘိၩ နၥံၪအ့ၪလနီၫ့ယါလၩ့ထဲၩ့ဘၪနၥံၪအၥၭ တၭ,နၥံၪမိထီၩ့လၧဆၧဂၭဂီၩ့ဘဲၫနီၪအၥိၭ ထီးအလူၬ လီၫ.
ၦလၧတဲၩခိၭဆၧစံလိၫအၫ့လၩ့ဎီး လၧအဖၫ့ခိၪတၭ, ဘၪၥံၫၦၡၩလဆံၫဎိၭဂၩနီၪ, မွဲနၥံၪဆီၫ့မီၪ့လၧအဝ့ၫ ၥံၪမွဲၦဆၧဒဲၩဘၭဖိၪအၧၩ့နဲၪ့ ၦအီၪလၧယရုစလံၫ့အ ဖၧၩ့ထီးအလူၬဒံၭဧၪ.-
ယလီၩဘၪနၥံၪ, မွဲအ့ၬ,မွဲလါ နၫ့ဘိၩ,နၥံၪအ့ၪလနီၫ့ယါလၩ့ထဲၩ့ဘၪ နၥံၪအၥၭတၭ, နၥံၪမိထီၩ့လၧဆၧဂၭဂီၩ့ ဘဲၫနီၪအၥိၭ ထီးအလူၬဆ့ လီၫ.
ၦယုဒၫဖိၪႇ အၪဒၪဆၧၦဂၫလလံၫလဖၪနီၪ မွဲဝ့ၫၦအဲၪဆၨၩအဲၪဆၬနၭမၬလီၫႉ အခံၫ့အခၫဘိၩ့နီၪအိၩ ၦရိမၫဖိၪၥံၪ ဂဲၫပၧၩ့ထၬ အဝ့ၫၥံၪအထံၫအခးအကၠီၩ့ႇ ဆၧမံၪ့ၥုၪ့မံၪ့ၥၭအီၪအ့ၬႉ ၦယုဒၫဖိၪၥံၪယီၩ ကနံၪ့ကကၠၪႇ ဂဲၫစူၭကီၪ့ၥၭ လၧယရုစလံၫ့တၭႇ ဘဲၫအထူၫအရူၫအီၪဝ့ၫအၥိၭႇ ဂဲလုထၪ့ဆၧလၧ ၥရိၬဖၧၩ့နီၪလီၫႉ စပဲလၭအၪ့ယိၫလၧ ၦအဲၪဆၨၩအဲၪဆၬ ၦဂၫလလံၫဖိၪလဖၪနီၪ ကမၩတုၩ့ထၪ့တုၩ့လၩ့ဆၧဂီၩ့ႇ ကထၪ့ဒုၪဒၩ ၦရိမၫဖိၪၥံၪအကၠီၩ့ႇ စပဲလၭမၩၥံၫခွံၬ ၦလဖၪနီၪလီၫႉ
ဆၧၥံၫႇ ဆၧစူၭဆၧဆၫႇ ဆၧၡၪ့ဆၧယၬလဖၪ ကဲၪထၪ့ဝ့ၫနီၪ မွဲလၧဆၧဒဲၩဘၭအကၠီၩ့လီၫႉ ယ့ၫၡုၬအနၫ့ဆါဒၪလ့ၬ အ့ၪမၩဘျၪထဲၩ့ၦစူၭၦဆၫလဂၩဂၩတၭႇ စံၭဝ့ၫႇ နဆၧဒဲၩဘၭဖျါယူၭႇ နီၪလီၫႉ ၦၡၩကဂၩဒဲကဂၩ အဆၧဒဲၩဘၭ အအၪအၡၩႇ အဎိၩအဆံၭ လမီၪ့ဎီၩ့ဘၪလါနၫ့ဂ့ၩႇ ၦၡၩထီးလူၬယီၩ မွဲၦဆၧဒဲၩဘၭဖိၪလီၫႉ ၦၡၩအဆၪဒဲၭဘၭဎိၩကဂၩႇ ၦမၩဆၧအၧၩ့ဆၧၥၫ့ကဂၩႇ ဘၪထိးမၩအၧၩ့မၩနၭႇ မၩၥံၫမၩဆၫၥ့ၪဝ့ၫအၥိၭႇ ၦၡၩအဆၧဒဲၩဘၭဆံၭကဂၩႇ ၦလၧအအီၪဂ့ၩအီၪဘွၩလၩ့ၥၭကဂၩႇ ဘၪထိးဆၧနၭဆၧၡၪ့ႇ ဆၧၥံၫဆၧဆၫအအၧၩ့ၥ့ၪဝ့ၫဆ့လီၫႉ ယ့ၫၡုၬဎြံၬအနၫ့ဆါဒၪဝ့ၫ ၦအဆၧဒဲၩဘၭလအီၪလဂၩလါနၫ့ဂ့ၩႇ ကထိးထဲၩ့တၩ့ထဲၩ့ၦဆၧဒဲၩဘၭဖိၪၥံၪအဂး အဝ့ၫဘၪထိးနိၫ့နၭႇ ဘၪထိးၥံၫၥၭလၧထုၪ့စူၪယၫအလီၩ့လီၫႉႉႉႉ