လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ Januarius  အဂဲးအကၠီၩ့နီၪလီၫႉ ၦဆံၫ့ဎံၪ Januarius  ယီၩ အီၪဖျဲၪလၧ ယၩနံၪ့ (၃) နံၪ့ လၧ ဝံး Benevento နီၪလီၫႉ အဝ့ၫၥံၪ အဂံၪ့ဒီၪ့နီၪ မွဲဝ့ၫဒၪ ၦကဲၪဒိၪကဲၪမုၥံၪနီၪလီၫႉ ၦဆံၫ့ဎံၪ Januarius ယီၩ မွဲဝ့ၫၥၫ့ခၫ ကပၩနီၪလီၫႉ လကၭဒ့ၭဘၪႇ အဝ့ၫအၥၭအီၪ (၂၀) နီၪ ဝံး Benevento အဂး ၦၡၩရွံထၪ့အဝ့ၫ ၥၫ့ခိၪဒိၪနီၪလီၫႉ အဝ့ၫယီၩ အီၪလၧ ကၠဲၭလူၬကၠဲၭထၫ အၪမၬဒ့ၭနီၪလီၫႉ အဝ့ၫဘၪကဲၪ ၥၫ့ခိၪဒိၪအခံၫ့နီၪ Emperors Diocletion လီၩမၩၥံၫဎရံၬဖိၪၥံၪႇ ဖီၫ့ထၬဝ့ၫဂီၩ့  ခွံၬလၩ့ဝ့ၫလၧ ထီၫ့ဖၧၩ့နီၪလီၫႉ

ဆၧနီၪအကၠီၩ့ ၥၫ့ခိၪဒိၪ ယီၩလ့ၩဒၪဎရံၬဖိၪၥံၪလၧ ထီၫ့ဖၧၩ့အခံၫ့ ၦၡၩဖီၫ့ထၬအဝ့ၫနီၪလီၫႉ လါနၫ့ႇ ၥၫ့ခိၪဒိၪဒဲ  ဎရံၬဖိၪၥံၪနီၪ ၥၭမဲၪ့ဆၧနးမံၩ့အ့ၬ အဆၧဆူနဲၩ ဂၧးခၧၫ့အၪမၬဒ့ၭနီၪလီၫႉ ဎရံၬဖိၪၥံၪ ဆၧဆူနဲၩအဂး အဝ့ၫၥံၪ လီၩလၩ့လၬလၩ့လံၬ   ဆံၫ့ဎံၪဆၧပရၧၫ့နီၪလီၫႉ ဆၧနီၪအကၠီၩ့ ၦၡၩခွံၬလၩ့အဝ့ၫၥံၪလၧ မ့ၪဖၧၩ့နီၪလီၫႉ လါနၫ့ မ့ၪအၪ့အဝ့ၫၥံၪ နးဆံၭအ့ၬအကၠီၩ့နီၪ ၦၡၩခွံၬလၩ့ထဲၩ့လၧ ဆၧဖိၪဆၧဎါအီၪ အလးနီၪလီၫႉ လါနၫ့ႇ ဆၧဖိၪဆၧဎါၥံၪနီၪ အဲၪ့အဝ့ၫၥံၪ နးဆံၭအ့ၬဂီၩ့ လ့ၩစီၪ့လၩ့ၥၭလၧ အဝ့ၫၥံၪအခၪ့ထံၭလၬနီၪလီၫႉ

ဆၧနီၪအကၠီၩ့ႇ ၦဎွၩနီၪအၥၭထၪ့ဂီၩ့ အၪ့မၧၫ့ၦၡၩမၩၥံၫ အဝ့ၫၥံၪ လၧခဲၫ့ကမံၩ့နီၪလီၫႉ ၦၡၩဖ့ၬထ့ၬအဝ့ၫၥံၪ အခိၪဎွံၪနီၪလီၫႉ ၦဆံၫ့ဎံၪ Januarius  ယီၩၥံၫဖီၩ့ခွံၬဂီၩ့ အဝ့ၫအစွၪနီၪ ၦၡၩၥိၫ့စိၩလၧ ခး Italy နီၪလီၫႉ နံၪ့ (၁၄၉၇)  နံၪ့နီၪ ၦၡၩလ့ၩၥိၫ့ထဲၩ့လၧ ဝံး Nepal ၥရိၭဖၧၩ့နီၪဂီၩ့ ကနံၪ့နီၪ ၥၧၫ့ကၠၪ ထုၭထၪ့နဲၪအ့ၪ ထံၫဖိၪခးဆါၥံၪနီၪလီၫႉ ၦဆံၫ့ဎံၪ Januarius  ယီၩ ဎရံၬဖိၪၥံၪ ဆၧဆူနဲၩအဂး ထိးၥံၪၥၭဂီၩ့ ကဲၪထၪ့ ၦဆံၫ့ဎံၪနီၪအကၠီၩ့  ယရၩလၩ့န့အ့ၪဘၪနၥံၪလၧ    ဆၧအဲၪဆၧကွံၩ   ဎိၩဒိၪဖၧၩ့နီၪလီၫႉ  အဲၪကွံၩဘၪ ထၧၫ့ဖုဝဲထံၩၥိၭ ထီးအလူၬႇ  မွဲနၥံၪလၧၫ့ဎွ့ၩဝ့ၫၪလၧ ကဆါယွၩ အဆၧအဲၪဆၧကွံၩလါဆံၭႉ