မိဖါၥံၪနီၪ အၥၭၡါထၪ့ကကၠၪ အ့ၪမွဲဘၪအီၪလၩ့စဲၪထးကၠၭ လၧဖိၪလံၩၥံၪအယဲၩ့ ဘနီၪ အခၫ အဝ့ၫၥံၪယီၩ အၥၭလၩ့ဆ့ၭလၩ့ယွၩကဲၪထၪ့ဝ့ၫၥံၪလီၫႉ အီၪဒၪလလီၩဖျီၪထၪ့ဘၪဝ့ၫလီၫႉ မုဆၫကနံၩယီၩဒီၭ ပဘၪမၩအၪ့မၩအီၩပယီၫအ့ၬမွဲအ့ၬဧၪႉ ဂံၪ့ကဖျိၪ့နီၪ အ့ၪမွဲၦၡၩအီၪ ၅ဂၩစွါဘဲၫ ၃ဂၩနီၪ စဲၪ့ထၪ့မၩဆၧမၩမၬ ပအၪ့ပအီၩလၧၫ့ဎွ့ၩၥ့ၪမွဲအ့ၬဧၪႉ

ဆၧနီၪအကၠီၩ့ ပကဲၪဖိၪလံၩလဖၪနီၪ ပဘၪစဲၪ့လၫ့မၩဆၧမၩလၧခီၫ့ လၧထံၪယဲၩခးယဲၩ့ဂီၩ့ ပဘၪလီၩ့ဎွါအၪ့လီၩ့ဎွါအီၩကၠၭနီၪလီၫႉ အနီၪအခၫ ပဘၪခွံၬၡိၬထး ပမိဖါၥၭၡါလဖၪမွဲအ့ၬဧၪႉ ပဘၪအီၪယဲၩ့လၧအဝ့ၫၥံၪဒၪလူၬ မုဆၫကနံၩယီၩ အ့ၪမွဲပခွ့ၩဒိၭနါအီၪနးဖျိၪ့နီၪ ပဆုးကျိၭလိၬၥၭ လၧ ပမိပဖါၥံၪန့ဂ့ၩဘၪစဲၪအကၠီၩ့ ပကဘၪဆုးကျိၭလိၬၥၭလၧအဝ့ၫၥံၪနီၪလီၫႉ ပကဘၪဖ့ၪလၫ့ အဝ့ၫၥံၪ ပအခံၫ့လၧအအီၪနီၪလီၫႉ

ပယိထဲၩ့ခွါထဲၩ့အဝ့ၫၥံၪ ပဘုၩရုၫဘုၩဆုၫအဝ့ၫၥံၪအ့ၪလန့ဘၪလါနၫ့ပချဲၩ့ဒုၪ့စိၩအဝ့ၫၥံၪ န့ဒံၭနီၪလီၫႉ ပဖ့ၪလၫ့အဝ့ၫၥံၪအခံၫ့ဂီၩ့ ပချဲၩ့ဒုၪ့စိၩအဝ့ၫၥံၪအခၫ အဝ့ၫၥံၪယီၩ အၥုၪ့ဎွံၪၥၭပျၩ့ အၪမၬနီၪ ပဒၪဘၪနီၪလီၫႉ ဆၧနီၪအကၠီၩ့ ဖိၪဒံၪၥံၪဧ့ ကနံၩနီၪအၡၩထုၬ ဖိၭဘိၭ ၁၀မံန့ဖိၪနီၪဘိၭ ဖ့ၪလၫ့ဒၪ မိဖါၥံၪအခံၫ့လါဆံၭနဲၪႉ

နးအဲၪဖီၫဘွၩ